જો દિવસની શરૂઆત સારા નાસ્તાથી કરવામાં આવે તો આખો દિવસ વધુ સારો જાય છે. સવારના નાસ્તામાં એપલ શેકનો સમાવેશ કરીને તમે તમારી દિનચર્યાને વધુ સારી બનાવી શકો છો. સફરજન વિટામિન્સ, મિનરલ્સ અને અન્ય ઘણા પોષક તત્વોથી ભરપૂર હોય છે. સવારે તમે એપલ ફ્રૂટ શેક પીને તમારા દિવસની સારી શરૂઆત કરી શકો છો. આ પીણું હેલ્ધી હોવાની સાથે ટેસ્ટી પણ છે. તો ચાલો જાણીએ તેને બનાવવાની રેસિપી વિશે.
સામગ્રી
દૂધ – 250 ગ્રામ
સફરજન – 3-4
બદામ – 2-3
એલચી પાવડર – 2 ચમચી
ખાંડ – 4 ચમચી
આઇસ ક્યુબ્સ – 4-5
બનાવવાની રીત
1. સૌ પ્રથમ સફરજનને સારી રીતે ધોઈ લો અને તેને કાપી લો.
2. પછી તેના ટુકડા કરી લો.સફરજનને કાપ્યા બાદ તેના બીજ કાઢી લો.
3. સમારેલા સફરજનના ટુકડા, બદામ અને દૂધને મિક્સરમાં નાખીને પીસી લો.
4. તેને સારી રીતે પીસ્યા પછી તેનું ઢાંકણ ખોલો અને તેમાં દૂધ અને એલચી પાવડર ઉમેરો.
5. દૂધ અને એલચી પાવડર નાખ્યા પછી તેમાં ખાંડ ઉમેરો.
6. ખાંડ સારી રીતે ઓગળી જાય પછી, શેકમાં બરફના ટુકડા ઉમેરો.
7. તૈયાર કરેલ શેકને ફરી એકવાર મિક્સરમાં નાંખો અને સ્મૂધ અને ક્રીમી શેક બનાવો.
8. તમારું ઠંડુ કરેલું એપલ શેક તૈયાર છે. ઉપર બરફના ટુકડા સાથે સર્વ કરો.
