- ‘હેરા ફેરી 3’ને લઈને મેકર્સનું મોટું અપડેટ
- અક્ષય, પરેશ અને સુનીલ શેટ્ટી ફરી એકવાર જોવા મળશે
- ટૂંક સમયમાં કરવામાં આવશે સત્તાવાર જાહેરાત
મુંબઈ:ઘણા વર્ષો પહેલા મોટા પડદા પર આવેલી ‘હેરા ફેરી’ અને ‘ફિર હેરા ફેરી’ ફિલ્મોમાં બોલિવૂડ કલાકારોની જાદુઈ ત્રિપુટીએ દર્શકોનું ખૂબ મનોરંજન કર્યું હતું.અક્ષય કુમાર, પરેશ રાવલ અને સુનીલ શેટ્ટી સ્ટારર ફિલ્મે દરેકના ચહેરા પર સ્મિત લાવી દીધું હતું.આજે પણ લોકો શ્યામ, બાબુરાવ અને રાજુના પાત્રોને ભૂલી શક્યા નથી.
આ દરમિયાન ફિલ્મના ત્રીજા ભાગને લઈને સારા સમાચાર સામે આવી રહ્યા છે.વાસ્તવમાં, ‘હેરા ફેરી’ અને ‘ફિર હેરા ફેરી’ની બમ્પર સફળતા પછી નિર્માતાઓએ જાહેરાત કરી છે કે,આ સિરીઝની ત્રીજી ફિલ્મ ટૂંક સમયમાં ફ્લોર પર લાવવામાં આવશે, જેમાં અક્ષય કુમાર, પરેશ રાવલ અને સુનીલ શેટ્ટી ફરી એકવાર ધમાલ મચાવતા જોવા મળશે.
‘હેરા ફેરી’ના નિર્માતા ફિરોઝ નડિયાદવાલાએ જણાવ્યું હતું કે ચાહકોને ‘હેરા ફેરી 3’ ખૂબ જ જલ્દી સમાન સ્ટાર કાસ્ટ અક્ષય કુમાર, સુનીલ શેટ્ટી અને પરેશ રાવલ સાથે જોવા મળશે અને તેની સત્તાવાર જાહેરાત પણ ટૂંક સમયમાં કરવામાં આવશે.
નિર્માતાએ વધુમાં જણાવ્યું હતું કે,હાલમાં વાર્તા તૈયાર કરવામાં આવી રહી છે. આમાં કેટલાક ફેરફારો કરવામાં આવશે.જેના પર ફિલ્મની ટીમ કામ કરી રહી છે.