ઇમ્ફાલ:મણિપુરની સમગ્ર ઇમ્ફાલ ખીણમાં ગુરુવારે કર્ફ્યુ લાદવામાં આવ્યું હતું. પ્રતિબંધિત આતંકવાદી સંગઠનના એક પ્રશિક્ષિત સભ્ય સહિત પાંચ લોકોની મુક્તિની માંગ સાથે હિંસક વિરોધ પ્રદર્શનને પગલે આ નિર્ણય લેવામાં આવ્યો હતો, જેમની આ સપ્તાહની શરૂઆતમાં ગેરવસૂલીના આરોપમાં ધરપકડ કરવામાં આવી હતી. ‘મીરા પેબીસ’ સહિત અનેક સ્વયંભૂ જાગ્રત જૂથોના વિરોધને પગલે ઈમ્ફાલ ખીણમાં ફરી કર્ફ્યુ લાદવામાં આવ્યું હતું. તેઓ આ પાંચ લોકોની મુક્તિની માંગ પર અડગ છે.
ગુરુવારે એક પોલીસ સ્ટેશન પર હુમલો કરવાનો પ્રયાસ કરનારા અને પાંચ માણસોની બિનશરતી મુક્તિની માંગ કરનારા વિરોધીઓ પર સુરક્ષા દળોએ ટીયર ગેસના શેલ છોડ્યા ત્યારે 10 થી વધુ લોકો ઘાયલ થયા હતા. અધિકારીઓએ કહ્યું કે સાવચેતીના પગલા તરીકે, રાજ્ય સરકારે ઇમ્ફાલના બંને જિલ્લામાં સાંજે 5 વાગ્યાથી કર્ફ્યુમાં છૂટછાટ રદ કરી છે. તેમણે કહ્યું કે છ સ્થાનિક ક્લબો અને ‘મીરા પેબીસ’ એ પાંચ ગ્રામીણ સ્વયંસેવકોને મુક્ત કરવાની માંગ સાથે પ્રદર્શનનું આહ્વાન કર્યું હતું.
આ આહ્વાન બાદ સેંકડો વિરોધીઓએ પ્લેકાર્ડ અને સૂત્રોચ્ચાર સાથે ઇમ્ફાલ પૂર્વમાં પોરોમ્પટ પોલીસ સ્ટેશન અને સિંગજામેઇ પોલીસ સ્ટેશન અને ઇમ્ફાલ પશ્ચિમ જિલ્લામાં ક્વાકિથેલ પોલીસ ચોકીમાં પ્રવેશવાનો પ્રયાસ કર્યો.તેમણે જણાવ્યું હતું કે મહત્વપૂર્ણ સ્થાનો પર તૈનાત પોલીસ અને આરએએફના જવાનોએ ભીડને વિખેરવા માટે ટીયર ગેસના શેલ છોડ્યા હતા. પોરોમ્પટમાં ” ટી. બિમોલા નામના એક વિરોધકર્તાએ જણાવ્યું હતું,”અમારી પાસે કોઈ વિકલ્પ બચ્યો ન હતો કારણ કે સરકાર પાંચ ગામોમાંથી સ્વયંસેવકોને મુક્ત કરવામાં નિષ્ફળ રહી હતી. જો ગામડાના સ્વયંસેવકોની આ રીતે ધરપકડ કરવામાં આવશે તો મેઈતી ગામોનું રક્ષણ કોણ કરશે.
