અતીક અહેમદની પત્ની શાઇસ્તાના ઘણા રહસ્યો ખુલ્યા

• કેટલાક CCTV ફૂટેજ પણ મળ્યા
• પોલીસની તપાસમાં ચોંકાવનારા ખુલાસા

લખનૌઃ પ્રયાગરાજ પોલીસને અતીક અહેમદની પત્ની શાઈસ્તા પરવીન સાથે જોડાયેલી કેટલી જરૂરી જાણકારી મળી છે. શાઇસ્તા પરવીન વિશે આ માહિતી પોલીસને 3 દિવસ પહેલા ધરપકડ કરાયેલા શમશાદે આપી છે. પૂછપરછ દરમિયાન શમશાદે પોલીસને ઘણા રહસ્યો ખોલ્યા હતા. જે પછી હવે પોલીસે શાઇસ્તાની શોધ તેજ કરી છે. શાઇસ્તા પરવીન ઘણા સમયથી ફરાર છે. પોલીસે તેને ઉમેશ પાલ હત્યાકાંડમાં આરોપી બનાવ્યો હતો. ત્યારથી તે પોલીસની પકડથી બચવા ભૂગર્ભમાં ઉતરી ગઈ છે. બીજી તરફ શમશાદને શાઇસ્તાના થોડા મહિના પહેલા દિલ્હી નજીક મળ્યો હતો. પૂછપરછ દરમિયાન તેણે આ વાત કબૂલી હતી.

પ્રાપ્ત માહિતી અનુસાર, આ મુલાકાત કરાવનારા તમામ સાથીદારો હાલમાં જેલમાં છે, પરંતુ ધરપકડ કરાયેલ શમશાદે પોલીસને તમામ સાથીદારોના નામ જણાવી દીધા છે. કેટલાક સીસીટીવી ફૂટેજમાં શમશાદ પણ શાઇસ્તા સાથે જોવા મળી હતી. જ્યારે શમશાદે અશરફની પત્ની ઝૈનબ અને બહેન આયેશા નૂરીને લગતી જરૂરી જાણકારી આપી છે.

પોલીસે આ જાણકારીના આધારે હવે ત્રણે લેડી ડોનની શોધખોળ તેજ કરી છે. પોલીસનું માનવું છે કે ત્રણેય લેડી ડોન એકબીજાના સંપર્કમાં છે. હવે પોલીસ પૂછપરછ દરમિયાન મળેલી જાણકારીના આધારે કેટલીક ખાસ જગ્યાઓ પર શોધી રહ્યા છે. પોલીસ એનસીઆરના આસપાસના વિસ્તારોમાં ત્રણેય લેડી ડોનને શોધી રહી છે.

શાઇસ્તા પરવીન પર 50 હજાર રૂપિયાનું ઈનામ જાહેર કરવામાં આવ્યું છે જ્યારે ઝૈનબ આયેશા પર 25-25 હજાર રૂપિયાનું ઈનામ જાહેર કરવામાં આવ્યું છે. આ તમામને ઉમેશ પાલ હત્યાકાંડમાં આરોપી બનાવવામાં આવ્યા હતા. ગયા વર્ષે ફેબ્રુઆરીમાં ઉમેશ પાલની હત્યા કરવામાં આવી હતી. જેમાં અતીક અહેમદ અને અશરફને આરોપી બનાવવામાં આવ્યા હતા.