મિથુન ચક્રવર્તી હોસ્પિટલમાં દાખલ,પુત્ર મિમોહે આપ્યું સ્વાસ્થ્ય અપડેટ 

• મિથુન ચક્રવર્તી હોસ્પિટલમાં દાખલ
• પુત્ર મિમોહે આપ્યું સ્વાસ્થ્ય અપડેટ
• મિથુન કિડનીની પથરીથી પીડિત

મુંબઈ:બોલિવૂડના ડિસ્કો ડાન્સર મિથુન ચક્રવર્તીના સ્વાસ્થ્યને લઈને એક મોટું અપડેટ આવી રહ્યું છે.મળતી માહિતી મુજબ, અભિનેતાને હાલમાં જ બેંગ્લોરની હોસ્પિટલમાં દાખલ કરવામાં આવ્યા છે.આ સમાચાર સામે આવતા જ મિથુનના ચાહકો પરેશાન થઈ ગયા છે.હોસ્પિટલના બેડ પર પડેલા અભિનેતાની એક તસવીર પણ સોશિયલ મીડિયા પર વાયરલ થઈ રહી છે. આ વાયરલ તસવીર જોઈને અભિનેતાની તબિયતને લઈને વિવિધ અફવાઓ ઉડવા લાગી છે.

મીડિયા સાથેની વાતચીત દરમિયાન અભિનેતાના પુત્ર મિમોહ ચક્રવર્તીએ વાયરલ થઈ રહેલી તસવીરનું સત્ય જણાવ્યું છે.મિમોહે જણાવ્યું કે,મિથુન કિડનીની પથરીથી પીડિત હતા.જેના કારણે તેને હોસ્પિટલમાં દાખલ કરવામાં આવ્યા.આ વાયરલ તસવીર હોસ્પિટલની જ છે, જેમાં તે બેભાન અવસ્થામાં બેડ પર પડેલા છે. જો કે, હવે તેમની તબિયત સારી છે અને હોસ્પિટલમાંથી રજા મળ્યા બાદ તેઓ ઘરે આરામ કરી રહ્યા છે.

મિથુન ચક્રવર્તીની હેલ્થ અપડેટ સામે આવ્યા બાદ હવે તેના લાખો ચાહકોએ રાહતનો શ્વાસ લીધો છે.દરેક જણ અભિનેતાના ઝડપથી સાજા થાય તેવી શુભેચ્છા પાઠવી રહ્યા છે.બીજેપીના રાષ્ટ્રીય સચિવ ડૉ. અનુપમ હઝરાએ પણ તેમના સોશિયલ મીડિયા એકાઉન્ટ પર બોલિવૂડ ડિસ્કો ડાન્સર્સની તસવીરો શેર કરી છે અને તેમના ઝડપી સ્વસ્થ થવાની પ્રાર્થના કરી છે.

મિથુનના વર્કફ્રન્ટ વિશે વાત કરીએ તો,અભિનેતા તાજેતરમાં ‘ધ કાશ્મીર ફાઇલ્સ’માં જોવા મળ્યા.વિવેક અગ્નિહોત્રી દ્વારા નિર્દેશિત આ ફિલ્મમાં અનુપમ ખેર, દર્શન કુમાર, પલ્લવી જોશી, ભાષા સુંબલી અને ચિન્મય મંડલેકર પણ મુખ્ય ભૂમિકામાં હતા.