પિંક વોટ્સએપ અંગે મુંબઈ અને તેલંગાણા પોલીસે ફોન વપરાશકારોને આપી ચેતવતી
મુંબઈઃ સોશિયલ મીડિયા પર રોજ નવા નવા પ્રકારના કૌભાંડો સામે આવી રહ્યાં છે, તેનું મોટું કારણ એ છે કે લોકો સોશિયલ મીડિયા પર વધુ સમય વિતાવી રહ્યા છે અને સોશિયલ મીડિયા પર વિશ્વાસ પણ કરી રહ્યા છે. બીજી તરફ સોશિયલ મીડિયા મારફતે લોકોને ફસાવતી ટોળકી સક્રીય બની છે. ઇન્સ્ટાગ્રામ, ફેસબુક અને વોટ્સએપ દ્વારા દરરોજ અનેક લોકોને ફસાવીને ઠગાઈ આચરવામાં આવે છે. હવે પિંક વોટ્સએપ કૌભાંડ ચાલી રહ્યું છે, જેના વિશે મુંબઈ પોલીસે લોકોને એલર્ટ કરી દીધા છે. પિંક વોટ્સએપ એટલું ખતરનાક છે કે તે તમારી આખી જિંદગીની કમાણીનો નાશ કરી શકે છે.
પિંક વોટ્સએપ એ તૃતીય પક્ષ વિકાસકર્તાઓ દ્વારા બનાવવામાં આવેલ મૂળ WhatsApp એપ્લિકેશનનું ક્લોન કરેલ સંસ્કરણ છે. પિંક વોટ્સએપ વોટ્સએપ કે મેટા સાથે જોડાયેલું નથી. તમને પિંક વોટ્સએપ ગૂગલ પ્લે-સ્ટોર કે એપલના એપ સ્ટોર પર પણ નહીં મળે. તેની એપીકે ફાઈલ વાયરલ થઈ રહી છે જેની મદદથી લોકો એપ ઈન્સ્ટોલ કરી રહ્યા છે. પિંક વોટ્સએપ સાથે ઘણી આકર્ષક સુવિધાઓ ઉપલબ્ધ છે જે મૂળ વોટ્સએપમાં ઉપલબ્ધ નથી. આમાં ડિલીટ થયેલા મેસેજ જોઈ શકાય છે. ફોરવર્ડ સ્તર છુપાવી શકાય છે. આ સિવાય પિંક વોટ્સએપમાં કોલ માટે પણ સેટિંગ કરી શકાય છે કે કોણ તમને કોલ કરશે અને કોણ નહીં. પિંક વોટ્સએપમાં ફીચર્સ ખરેખર સારા છે પરંતુ પ્રાઈવસી અને સિક્યોરિટીના સંદર્ભમાં તે સારું નથી. આ એપ તમારી અંગત માહિતી ચોરી શકે છે અને બેંક ખાતામાં ઘુસી શકે છે.
પિંક વોટ્સએપને મુંબઈ અને તેલંગાણા સાયબર પોલીસ દ્વારા એલર્ટ જાહેર કરવામાં આવ્યું છે અને કહ્યું છે કે, પિંક વોટ્સએપની લિંક પર ક્લિક કરશો નહીં. આ એપની મદદથી તમારો ફોન પણ હેક થઈ શકે છે. પિંક વોટ્સએપની મદદથી તમારા ફોનને રિમોટથી કંટ્રોલ કરી શકાય છે.
