- મુંબઈ સાગાનું ટ્રેલર થયું રિલીઝ
- ફિલ્મ 19 માર્ચના રોજ થશે રીલીઝ
- અનેક કલાકારો જોવા મળશે ફિલ્મમાં
જોન અબ્રાહમ અને ઇમરાન હાશ્મી અભિનીત ફિલ્મ ‘મુંબઈ સાગા’નું જોરદાર ટ્રેલર રિલીઝ થઈ ગયું છે. ચાહકો ઘણા સમયથી આ ગેંગસ્ટર ડ્રામા ફિલ્મના ટ્રેલરની રાહ જોઇ રહ્યા હતા
સંજય ગુપ્તા દ્વારા દિગ્દર્શિત આ ફિલ્મમાં સુનીલ શેટ્ટી,મહેશ માંજરેકર,કાજલ અગ્રવાલ,રોહિત રોય,ગુલશન ગ્રોવર અને પ્રતીક બબ્બર છે. ફિલ્મ મુંબઈ સાગા એક એક્શન ક્રાઇમ ફિલ્મ છે. ભૂષણ કુમારે આ ફિલ્મનું નિર્માણ કર્યું છે. આ ફિલ્મ 19 માર્ચે રિલીઝ થવાની છે.
જોન અબ્રાહમના બાકીના પ્રોજેક્ટ્સ વિશે વાત કરીએ તો આજકાલ તે તેની આગામી ફિલ્મ એટેકનું શૂટિંગ કરી રહ્યો છે. તેણે સત્યમેવ જયતે 2 નું શૂટિંગ પૂર્ણ કર્યું છે. આ ફિલ્મમાં જોનની સાથે દિવ્યા ખોસલા કુમાર મુખ્ય ભૂમિકામાં જોવા મળશે. આ ફિલ્મ ઈદના અવસરે 12 મેના રોજ થિયેટરોમાં રિલીઝ થશે. આ સિવાય જોન શાહરૂખ ખાન અને દીપિકા પાદુકોણ સાથે પઠાણમાં પણ જોવા મળશે.
તો બીજી તરફ ઇમરાન હાશ્મી ફિલ્મ ચહેરેમાં જોવા મળશે. મંગળવારે જ ફિલ્મનું નવું પોસ્ટર શેર કરતી વખતે નિર્માતાઓએ ફિલ્મની રિલીઝ ડેટની ઘોષણા કરી હતી. આ ફિલ્મ 30 એપ્રિલે થિયેટરમાં રિલીઝ થશે. જેમાં ઇમરાનની સાથે અમિતાભ બચ્ચન મુખ્ય ભૂમિકામાં હશે. બંને પહેલીવાર સાથે કામ કરતા જોવા મળશે.
-દેવાંશી