મુંબઈ:ટીવીનો લોકપ્રિય શો નાગિન હવે તેની 7મી સીઝન લઇને આવી રહ્યો છે.દર્શકો તેની આતુરતાથી રાહ જોઈ રહ્યા છે.છેલ્લી સિઝન પણ ખૂબ પસંદ કરવામાં આવી હતી.જોકે, એકતા કપૂરે હજુ સુધી તેની લીડ નાગીનને જાહેર કરી નથી.પરંતુ એવા અહેવાલો છે કે અભિનેત્રીને નાગિન 7 માટે ફાઈનલ કરવામાં આવી છે.
એકતા કપૂર તેની નાગીનની સીઝન માટે હંમેશા નવા ચહેરાની શોધમાં રહે છે.જેને તે બિગ બોસના ઘરમાં જઈને શોધે છે અને ત્યાંથી કોઈને કે બીજાને કાસ્ટ કરવાનું વચન આપીને આવે છે.આ વખતે એકતાએ તેના પ્રોજેક્ટમાં બિગ બોસ 16ના ઘરના કેટલાક સ્પર્ધકોને કાસ્ટ કરવાનું વચન આપ્યું છે.જેમાં એવું કહેવામાં આવી રહ્યું હતું કે એકતાએ નાગિન 7 માટે પ્રિયંકા ચહર ચૌધરીને ફાઈનલ કરી છે, ત્યારબાદ અર્ચના ગૌતમ અને સુબુલ તૌકીર ખાનનું નામ પણ સામે આવ્યું છે.
બીજી બાજુ, હવે એવા અહેવાલો છે કે એકતા કપૂરની નાગીન પ્રિયંકા, સુબુલ અને અર્ચના નહીં પરંતુ કોઈ અલગ હશે. હાલમાં જ નાગિન 7ના લીડ રોલને લઈને એક ફોટો વાયરલ થઈ રહ્યો છે.આ ફોટામાં ટીવીની જાણીતી અભિનેત્રી અને બિગ બોસ 14ની વિજેતા રૂબીના દિલેક નાગિન તરીકે જોવા મળી રહી છે.જો કે તેની સત્તાવાર માહિતી હજુ સુધી જાહેર કરવામાં આવી નથી. તો એ જોવાનું ખૂબ જ રસપ્રદ રહેશે કે આ વખતે કોણ બનશે એકતાની નાગિન.