- NDAના રાષ્ટ્રપતિ પદના ઉમેદવાર આંધ્રપ્રદેશના સીએમને મળ્યા
- સ્વાગતમાં ભગવાન વેંકટેશ્વરની તસવીર મળી
- મુર્મુ સાથે કેન્દ્રીય પર્યટન મંત્રી પણ હાજર રહ્યા
અમરાવતી :આંધ્રપ્રદેશના મુખ્યમંત્રી વાયએસ જગન મોહન રેડ્ડીએ આજે એનડીએના રાષ્ટ્રપતિ પદના ઉમેદવાર દ્રૌપદી મુર્મુનું તેમના નિવાસસ્થાને સ્વાગત કર્યું.તેમણે ભગવાન વેંકટેશ્વરની તસવીર અર્પણ કરીને તેમનું સ્વાગત કર્યું.મુર્મુ સાથે કેન્દ્રીય પર્યટન મંત્રી જી કિશન રેડ્ડી પણ હાજર હતા,બાદમાં જગન અને દ્રૌપદી મંગલગિરી પાસેના સીકે કન્વેન્શનલ હોલમાં પહોંચ્યા.સ્ટેજ પર આવતાની સાથે જ YSR કોંગ્રેસ પાર્ટીના સાંસદો અને ધારાસભ્યોએ તેમનું અભિવાદન કર્યું.આ પ્રસંગે બોલતા કિશન રેડ્ડીએ રાષ્ટ્રપતિની ચૂંટણીમાં મુર્મુને સમર્થન આપવા બદલ વડાપ્રધાન નરેન્દ્ર મોદી વતી સીએમ જગન મોહન રેડ્ડીનો આભાર માન્યો હતો.
તેમણે કહ્યું કે,એનડીએએ બહુમતી રાજકીય પક્ષોની સહમતિ બાદ દ્રૌપદીના નામનો પ્રસ્તાવ મૂક્યો છે.તેમણે ઉલ્લેખ કર્યો અને વિપક્ષને અપીલ કરી કે,તેઓ રાષ્ટ્રપતિ પદ માટે ચૂંટણી લડનાર પ્રથમ આદિવાસી મહિલાને સમર્થન આપે.અહીં મુખ્યમંત્રીએ પક્ષના સાંસદો અને ધારાસભ્યોને રાષ્ટ્રપતિની ચૂંટણીમાં દ્રૌપદી મુર્મુને મત આપવા વિનંતી કરી, કારણ કે YSR કોંગ્રેસ પાર્ટી તમામ સ્તરે સામાજિક ન્યાયની હિમાયત કરી રહી છે.બાદમાં સીએમ જગન મોહને સાંસદો અને ધારાસભ્યોનો મુર્મુ સાથે પરિચય કરાવ્યો હતો.
એનડીએના રાષ્ટ્રપતિ પદના ઉમેદવાર દ્રૌપદી મુર્મુ આવતીકાલે જયપુર જશે.વિધાનસભામાં વિપક્ષના નેતા ગુલાબચંદ કટારિયાએ મંગળવારે જણાવ્યું કે,દ્રૌપદી મુર્મુ બુધવારે સવારે 9.15 વાગ્યે જયપુર એરપોર્ટ પહોંચશે અને સવારે 10 વાગ્યે એક હોટલમાં ભાજપના સાંસદો અને ધારાસભ્યો સાથે વ્યક્તિગત બેઠક કરશે.તેમણે કહ્યું કે,અમે તમામ BJP (લોકસભા/રાજ્યસભા) સાંસદો, BJP ધારાસભ્યોને 13 જુલાઈના રોજ સવારે 10 વાગ્યે હોટેલ પહોંચવા વિનંતી કરી છે.