મુંબઈ :ચેમ્પિયન જેવલિન થ્રોઅર નીરજ ચોપડા મંગળવારે જાંઘની માંસપેશીઓમાં તાણને કારણે કોમનવેલ્થ ગેમ્સમાંથી બહાર થઈ ગયો છે.હકીકતમાં નીરજ વર્લ્ડ એથ્લેટિક્સ ચેમ્પિયનશિપની ફાઈનલ દરમિયાન ઈજાગ્રસ્ત થયો હતો.આ જ ઈજાના કારણે નીરજને આ મોટી ટુર્નામેન્ટમાંથી બહાર થવું પડ્યું છે.
સૂત્રોના જણાવ્યા અનુસાર,નીરજને જાંઘનામૂળમાં ઈજા થઈ હતી.જોકે નીરજને આશા હતી કે, તે કોમનવેલ્થ ગેમ્સમાં ભાગ લેશે, પરંતુ ઈજાના કારણે તેને કોમનવેલ્થ ગેમ્સમાંથી બહાર થવું પડ્યું હતું. હકીકતમાં,વર્લ્ડ એથ્લેટિક્સ ચેમ્પિયનશિપની ફાઇનલમાં 88.13 મીટર ફેંકતી વખતે નીરજની જાંઘમાં ઈજા થઈ હતી.
ઈન્ડિયન ઓલિમ્પિક એસોસિએશન (IOA)ના સેક્રેટરી જનરલ રાજીવ મહેતાએ જણાવ્યું હતું કે, ચોપડાનું સોમવારે યુએસમાં એમઆરઆઈ કરવામાં આવ્યું હતું અને તેમને એક મહિનાના આરામની સલાહ આપવામાં આવી છે.”ભારતીય બરછી ફેંકનાર નીરજ ચોપરાએ આજે સવારે યુએસથી ફોન પર મારી સાથે વાત કરી અને ફિટનેસની ચિંતાઓને કારણે બર્મિંગહામ કોમનવેલ્થ ગેમ્સમાં ભાગ લેવા માટે અસમર્થતા વ્યક્ત કરી.મહેતાએ જણાવ્યું હતું કે, “યુજેનમાં વર્લ્ડ એથ્લેટિક્સ ચેમ્પિયનશિપમાં ભાગ લીધા પછી, ચોપડાએ સોમવારે એમઆરઆઈ કરાવ્યું હતું અને તેની મેડિકલ ટીમે તેને એક મહિનાનો આરામ કરવાની સલાહ આપી છે.”
બર્મિંગહામમાં આયોજિત કોમનવેલ્થ ગેમ્સમાં 5 ઓગસ્ટે ભાલા ફેંકની શરૂઆત થવાની હતી.તેની ફાઈનલ 7 ઓગસ્ટે યોજાશે.મેન્સ જેવલિન થ્રોમાં ક્વોલિફાઈંગ રાઉન્ડ 5મી ઓગસ્ટે રમાશે,જ્યારે ફાઈનલ 7મી ઓગસ્ટે રમાશે.પરંતુ નીરજના એક્ઝિટ સાથે,ભાલા ફેંકમાં ગોલ્ડ મેડલ મેળવવાની આશા ધૂંધળી લાગે છે.
તાજેતરમાં રમાયેલી વર્લ્ડ એથ્લેટિક્સ ચેમ્પિયનશિપમાં નીરજે સિલ્વર મેડલ જીતીને ઈતિહાસ રચ્યો હતો. તે વિશ્વ એથ્લેટિક્સ ચેમ્પિયનશિપમાં મેડલ જીતનાર ભારતનો પ્રથમ પુરુષ એથ્લેટ બન્યો હતો.