- ફિલ્મ RRR ના ચાહકો માટે ખુશખબર
- ફિલ્મ 25 માર્ચે થશે રિલીઝ
- ફિલ્મના ઓફિશિયલ એકાઉન્ટ દ્વારા અપાઈ જાણકારી
મુંબઈ:ડિરેક્ટર એસએસ રાજામૌલીની ફિલ્મ RRRની નવી રિલીઝ ડેટ આવી ગઈ છે.આ ફિલ્મ હવે 25 માર્ચે રિલીઝ થશે.આ જાણકારી ફિલ્મના ઓફિશિયલ એકાઉન્ટ દ્વારા આપવામાં આવી છે. ફિલ્મનું પોસ્ટર શેર કરતી વખતે નવી રિલીઝ ડેટની જાહેરાત કરવામાં આવી હતી.ચાહકો હવે આ ફિલ્મની રિલીઝની આતુરતાથી રાહ જોઈ રહ્યા છે.આ ફિલ્મમાં જુનિયર એનટીઆર, રામ ચરણ, આલિયા ભટ્ટ અને અજય દેવગણ મુખ્ય ભૂમિકામાં છે.
#RRRonMarch25th, 2022… FINALISED! 🔥🌊 #RRRMovie pic.twitter.com/hQfrB9jrjS
— RRR Movie (@RRRMovie) January 31, 2022
આ ફિલ્મની ઘણી રિલીઝ ડેટ આવી ગઈ છે.આ ફિલ્મ અગાઉ આ વર્ષે 7 જાન્યુઆરીએ રિલીઝ થઈ રહી હતી,પરંતુ કોવિડના વધતા જતા કેસો અને ઘણા શહેરોમાં થિયેટર બંધ થવાને કારણે ફિલ્મ મોકૂફ રાખવામાં આવી હતી.તાજેતરમાં, RRR ની ટીમે ટ્વિટર પર જાહેરાત કરી હતી કે, જો દેશમાં પરિસ્થિતિ પહેલા કરતા વધુ સારી છે અને થિયેટર સંપૂર્ણ ક્ષમતા સાથે ખુલશે, તો ફિલ્મ 18 માર્ચે રિલીઝ થશે, નહીં તો ફિલ્મ 28 એપ્રિલે રિલીઝ થશે.
આ ફિલ્મની પ્રથમ રિલીઝ તારીખ 30 જુલાઈ 2020 હતી. તે સમયે કોવિડને કારણે આ ફિલ્મ 13 ઑક્ટોબર 2021ના રોજ રિલીઝ કરવાની યોજના હતી. આ પછી ફરીથી 7 જાન્યુઆરી ફાઇનલ કરવામાં આવી હતી, પરંતુ હવે અંતિમ તારીખ 25 માર્ચ આવી છે.આ ફિલ્મ દ્વારા અજય અને આલિયા તેલુગુ ફિલ્મ ઈન્ડસ્ટ્રીમાં ડેબ્યુ કરી રહ્યા છે.
