દિલ્હી- દેશભરમાં આતંકી ગતિવિઘીઓને લઈને સુરક્ષા એજન્સીઓ સખઅત બની રહી છે ખાસ કરીને ખાલિસ્તાનીઓ દ્રારા ફેલાવાતા આતંકનો મુદ્દો હાલ ચર્ચામાં છે ત્યારે આજ રોજ નેશનલ સુરક્ષા એજન્સી દ્રારા ટેરર અને ગેંગસ્ટર મામલે 50થી વઘુ સ્થળોએ દરોડા પાડવામાં આવ્યા છે.
નેશનલ ઈન્વેસ્ટિગેશન એજન્સી ગેંગસ્ટર-ટેરર નેટવર્કનો ખાત્મો કરવા માટે આ મોટી કાર્યવાહી હાથ ધરવામાં આવી છે. NIAએ પાંચ રાજ્યોમાં 50 જગ્યાએ દરોડા પાડ્યા છે. જે રાજ્યોમાં NIAની આ કાર્યવાહી ચાલી રહી છે તેમાં ઉત્તર પ્રદેશ, હરિયાણા, રાજસ્થાન, પંજાબ અને દિલ્હી-NCRનો સમાવેશ થાય છે. આવી કાર્યવાહી કરીને NIA ગેંગસ્ટર-ટેરર નેટવર્ક વચ્ચેની કડી તોડવા માંગે છે .
સુરક્ષા એજન્સી દ્રારા કેટલાક દિવસોથી NIA આવા લોકો વિરુદ્ધ કાર્યવાહી કરી રહી છે જેઓ કોઈને કોઈ માધ્યમથી આતંકવાદીઓ અને અલગતાવાદીઓને સમર્થન આપે છે. થોડા દિવસો પહેલા જ NIAએ ખાલિસ્તાની આતંકવાદી અને શીખ ફોર જસ્ટિસના વડા ગુરપતવંત સિંહ પન્નુ વિરુદ્ધ કડક કાર્યવાહી કરી હતી.
આ સાથે જ NIAએ ચંદીગઢ અને અમૃતસરમાં પ્રતિબંધિત સંગઠન ‘શીખ ફોર જસ્ટિસ’ના વડા ગુરપતવંત સિંહ પન્નુની સ્થાવર મિલકતો જપ્ત કરી હતી. ચંદીગઢમાં ખાલિસ્તાન સમર્થક પન્નુના ઘરની બહાર અને અમૃતસરમાં ખેતીની જમીનની નજીક સંપત્તિ જપ્ત કરવા અંગેની નોટિસ લગાવવામાં આવી છે. આ કાર્યવાહી ગેરકાયદેસર પ્રવૃતિ નિવારણ અધિનિયમ હેઠળ કરવામાં આવી હતી.આ સહીત છેલ્લા કેટલાક મહિનામાં પંજાબ, હરિયાણા, યુપી જેવા રાજ્યોમાં ગેંગસ્ટરો સક્રિય થયા છે. આ ગુંડાઓને પોતાનું કામ કરવા માટે પૈસાની જરૂર છે, જે પડોશી દેશ પાકિસ્તાનથી આવતા ડ્રગ્સ અને ખાલિસ્તાની આતંકવાદીઓ દ્વારા પૂરી કરવામાં આવી રહી છે. NIA સારી રીતે જાણે છે કે આતંકવાદીઓ અને ગેંગસ્ટરોનું આ ગઠબંધન દેશ માટે ખતરનાક સોદો બની શકે છે.જેથી આ કાર્યવાહી કરાઈ રહી છે.
પાકિસ્તાન દ્વારા ભારતમાં માત્ર ડ્રગ્સ જ નથી સપ્લાય કરવામાં આવે છે, પરંતુ આતંકવાદીઓને પણ ત્યાં મોકલવામાં આવે છે. પાકિસ્તાન જાણે છે કે જો તે ભારતમાં તેની નાપાક યોજનાઓ પાર પાડવા માંગે છે તો ગુંડાઓ તેની મદદ કરી શકે છે. આ જ કારણ છે કે હથિયારોની લાલચ દ્વારા ગેંગસ્ટરોને પોતાની તરફ આકર્ષવામાં આવી રહ્યા છે. આ કાર્યને અટકરાવવાનું અને જળમૂડમાંછી નાશ કરવાનું કાર્ય સુરક્ષા એજન્સીઓએ ઝડપી લીઘુ છે.
