નવી દિલ્હીઃ માનવ તસ્કરીના મામલામાં NIA (નેશનલ ઇન્વેસ્ટિગેશન એજન્સી) દેશમાં ઘણી જગ્યાએ દરોડા પાડ્યાં હતા . 6 રાજ્યોમાં 22 સ્થળો પર આ દરોડા પાડવામાં આવ્યા છે. એવું કહેવામાં આવી રહ્યું છે કે એક સંગઠિત ગેંગે નોકરીના બહાને ભારતીય યુવાનોને લલચાવીને વિદેશમાં તસ્કરી કરી અને સાયબર ફ્રોડમાં સામેલ નકલી કોલ સેન્ટરમાં કામ કરવા માટે દબાણ કરે છે.
જ્યારે ફ્રાન્સમાં માનવ તસ્કરીની આશંકાથી એક વિમાનને અટકાવવામાં આવ્યું હતું
ગયા વર્ષે, સંયુક્ત આરબ અમીરાત (UAE)માં દુબઈથી નિકારાગુઆ જતી ફ્લાઇટને 303 મુસાફરોને લઈને પેરિસથી 150 કિલોમીટર પૂર્વમાં વિટ્રી એરપોર્ટ પર “માનવ તસ્કરી”ની શંકાના આધારે અટકાવવામાં આવી હતી. જે બાદ અટકાયત કરાયેલા મુસાફરોની પૂછપરછ કરવામાં આવી હતી. એરબસ A340, જે રોમાનિયન ચાર્ટર કંપની લિજેન્ડ એરલાઈન્સની છે, તેણે સંયુક્ત આરબ અમીરાતથી ઉડાન ભરી અને ઇંધણ ભરવા માટે પૂર્વી ફ્રાન્સના વેટ્રી એરપોર્ટ પર ઉતરાણ કર્યું.
આ સંદર્ભે, પેરિસના સરકારી વકીલે જણાવ્યું હતું કે “માનવ તસ્કરી” વિશેની એક અનામી માહિતી પછી સત્તાધીશોએ કડક પગલાં લીધાં અને ફ્લાઇટને અટકાવી દીધી. સમાચાર અનુસાર, ફ્લાઇટમાં કેટલાક મુસાફરો “માનવ તસ્કરીના શિકાર” હતા. વિમાનમાં સવાર લોકો સુધી પહોંચવા માટે ભારતને કોન્સ્યુલર એક્સેસ આપવામાં આવ્યું હતું. અધિકારીઓ તપાસ કરવા અને મુસાફરોની સુખાકારીની ખાતરી કરવા માટે સ્થળ પર પહોંચ્યા.