અમદાવાદ: ગુજરાતના નવસારી જિલ્લામાં લક્ઝરી બસ અને એસયુવી વચ્ચેની અથડામણમાં નવ લોકોના મોત થયા હતા અને 30થી વધુ લોકો ઘાયલ થયા છે. તેમાંથી ઘણાની હાલત નાજુક છે. રિપોર્ટ્સ અનુસાર, જે બસને અકસ્માત થયો તે સુરતથી વલસાડ જઈ રહી હતી. કારના ચાલકે વાહન પરનો કાબૂ ગુમાવ્યો હતો. જે બાદ તે બીજી લેન પર આવતી બસ સાથે અથડાઈ હતી. અકસ્માતમાં ઘાયલોને હોસ્પિટલમાં દાખલ કરવામાં આવ્યા છે.
પ્રાપ્ત માહિતી અનુસાર બસ અને કાર વચ્ચેની ટક્કર એટલી ખતરનાક હતી કે કારના ફુડચેફુડચા ઉડી ગયા હતા. અકસ્માતની માહિતી મળતાની સાથે જ પોલીસ અને સ્થાનિક લોકોએ મળીને બચાવ કાર્ય શરૂ કર્યું હતું. આ અકસ્માત નેશનલ હાઈવે નંબર 48 પર વેસ્મા ગામ પાસે થયો હતો. બસ ચાલકને ચાલતા વાહનમાં હાર્ટ એટેક આવ્યો હતો, જેના કારણે બસ કાબૂ બહાર ગઈ હતી અને કાર સાથે અથડાઈ હતી.
માહિતી મળતાં જ પોલીસ ઘટનાસ્થળે પહોંચી, ઘાયલોને સારવાર માટે નજીકની હોસ્પિટલમાં લઈ જવામાં આવ્યા છે, જ્યારે મૃતદેહોને કાઢીને પોસ્ટમોર્ટમ માટે મોકલવામાં આવી રહ્યા છે. પોલીસે જણાવ્યું હતું કે અથડામણ એટલી ગંભીર હતી કે બંને વાહનોને મૃતદેહો બહાર કાઢવા માટે ખુલ્લામાં કાપવા પડ્યા હતા. આ બનાવની જાણ થતા ઉચ્ચ અધિકારીઓ સહિતનો પોલીસ કાફલો સ્થળ પર દોડી ગયો હતો. માર્ગ અકસ્માતમાં નવ વ્યક્તિઓના મોત થતા સમગ્ર વિસ્તારમાં શોકનું મોજુ ફરી વળ્યું હતું.
