ચીન નહીં, હવે ભારત બન્યો વિશ્વનો સૌથી વધુ વસ્તી ધરાવતો દેશ,જાણો કેટલા લાખ વધી પોપ્યુલેશન

• હવે ભારત બન્યો વિશ્વનો સૌથી વધુ વસ્તી ધરાવતો દેશ
• ચીન સદીઓથી વિશ્વનો સૌથી વધુ વસ્તી ધરાવતો દેશ હતો
• ભારતની વસ્તી 1,428.6 મિલિયન
• ચીનની વસ્તી 1,425.7 મિલિયન
• બંનેની વસ્તીમાં 2.9 મિલિયનનો તફાવત

દિલ્હી : સદીઓથી વિશ્વનો સૌથી વધુ વસ્તી ધરાવતો દેશ ચીન કહેવાય છે પરંતુ હવે આ મામલે ચીન પાછળ રહેતો જણાય રહ્યો છે. ખરેખર, હવે ભારતે તેનું સ્થાન લઈ લીધું છે. વિશ્વમાં સૌથી વધુ વસ્તી ધરાવતો દેશ હવે ચીન નહીં, પરંતુ ભારત છે.

આ વર્ષની શરૂઆતમાં, વૈશ્વિક નિષ્ણાતોના અનુમાન મુજબ, 2023 માં ભારતની વસ્તી સૌથી વધુ હશે, અને હવે યુનાઇટેડ નેશન્સ પોપ્યુલેશન ફંડ (UNFPA) ના નવીનતમ ડેટા દ્વારા તેની પુષ્ટિ થઈ છે.

યુનાઈટેડ નેશન્સ (UNFPA)ના ડેટા અનુસાર, ભારત હવે વિશ્વનો સૌથી વધુ વસ્તી ધરાવતો દેશ છે. ભારતમાં હવે ચીન કરતાં 20 લાખ વધુ લોકો છે અને દેશની વસ્તી 1400 મિલિયનને વટાવી ગઈ છે. અને ચીનમાં જન્મ દર નીચે આવ્યો છે.

UNFPAનો ‘ધ સ્ટેટ ઑફ વર્લ્ડ પોપ્યુલેશન રિપોર્ટ 2023’, ‘8 બિલિયન લાઇવ્સ, ઇન્ફિનિટ પોસિબિલિટીઝઃ ધ કેસ ફોર રાઇટ્સ એન્ડ ચોઇસ’ શીર્ષક સાથે બહાર પાડવામાં આવેલ, જણાવે છે કે ભારતની વસ્તી હવે 1,428.6 મિલિયન છે, જ્યારે ચીનની વસ્તી 1,425.7 મિલિયન છે. એટલે કે બંનેની વસ્તીમાં 2.9 મિલિયનનો તફાવત છે. રિપોર્ટમાં લેટેસ્ટ આંકડા ‘ડેમોગ્રાફિક ઈન્ડિકેટર્સ’ની શ્રેણીમાં આપવામાં આવ્યા છે.