અમદાવાદઃ દેશમાં છેલ્લા કેટલાક વર્ષોમાં સમાર્ટફોનનો ઉપયોગ વધ્યો છે. બીજી તરફ મોબાઈલ ફોનના ડેટાને લઈને વપરાશકારો ચિંતામાં રહેતા હોય છે. જો કે, વડોદરાના યુવાને તમામ વિગતો પાછળ ટેપ કરીને મોબાઈલમાં સેવ કરી શકાય તેવું એન.એફ.સી. સ્માર્ટ કાર્ડ બનાવ્યું છે. વડોદરાના 28 વર્ષના યુવા ઉદ્યોગસાહસિક અર્જુન શર્માએ એન.એફ.સી. સ્માર્ટ કાર્ડ બનાવવા માટે WhoICard નામનું સ્ટાર્ટઅપ શરૂ કર્યું. જેમાં વપરાશકર્તાની તમામ વિગતો હોય છે અને એ એક જ વિઝિટિંગ કાર્ડ જીવનભર ચાલે છે. કાર્ડની પાછળ ટેપ કરીને તમામ વિગતો મોબાઈલમાં સેવ કરી, ડેટાને વિવિધ સોશિયલ મીડિયા પ્લેટફોર્મ્સ દ્વારા શેર કરી શકાય છે. જે વિઝિટિંગ કાર્ડ્સ ભૂલી જવા અથવા ગુમાવવાથી મુક્તિ આપે છે અને કાગળની બચત કરતુ હોવાથી પર્યાવરણ મિત્ર પણ છે. અર્જુન શર્મા એક સેલ્ફ લર્નરે આ સ્ટાર્ટઅપને વ્યક્તિની ડીજીટલ વ્યક્તિગત માહીતિ સાચવવા માટે સરળ બનાવવા માટે લોન્ચ કર્યું છે જેને જરૂર પડ્યે સરળતાથી શેર કરી શકાય છે. તે વિઝિટિંગ કાર્ડ બનાવવામાં વપરાતા કાગળની પણ ઘણી બચત કરે છે.
એન.એફ.સી. સ્માર્ટ કાર્ડ વ્યક્તિના ઈમેલ, ફોન નંબર, વ્યક્તિગત વિગતો, અમર્યાદિત સોશિયલ મીડિયા લિંક્સ, બાયોડેટા, નકશા સ્થાન, સેવાઓ, ઉત્પાદનો, ફોટા અને વિડિયો, પીડીએફ બ્રોશર, પૂછપરછ ફોર્મ્સ અને અન્ય ઘણા બધા વહન કરી શકે છે. સૌથી અગત્યનું તે તમને વ્યક્તિગત યુ.આર.એલ. આપશે. તમે એ.એફ.સી. (નિયર ફીલ્ડ કોમ્યુનિકેશન), QR કોડ, લિંક દ્વારા વિગતો શેર કરી શકો છો.
અર્જુને ઉમેર્યુ કે, એન.એફ.સી. (નિયર ફિલ્ડ કોમ્યુનિકેશન) ટેક્નોલોજી એ વાઇફાઇ અને બ્લૂટૂથ જેવી જ વાયરલેસ સુવિધા છે. તેનો ઉપયોગ કોઈપણ વ્યક્તિ સરળતાથી કરી શકે છે. જો કે, તે સૌથી સલામત માનવામાં આવે છે કારણ કે તેનો ઉપયોગ ત્યારે જ થઈ શકે છે જ્યારે મહત્તમ ૪ સેન્ટિમીટરનું અંતર હોય. એન.એફ.સી. એ એક અદ્યતન ચિપ છે. જે વર્તમાન એંડ્રોઇડ અને આઇ.ફોન માં પ્રદાન કરવામાં આવે છે જેને ફક્ત ચાલુ કરવાની જરૂર છે અને કેટલાક આઇ.ફોન માં તે પહેલેથી જ ચાલુ છે. કોઈને અલગ એપ્લિકેશન ડાઉનલોડ કરવાની પણ જરૂર નથી.
એન.એફ.સી. ટેક્નોલોજી સાથે, કાર્ડ ફક્ત એક જ વાર બનાવવું પડે છે, ત્યારપછી તેને મોબાઈલની પાછળ ટેપ કરીને વિગતો એક્સેસ કરી શકાય છે. હું તેને યુઝર ફ્રેન્ડલી બનાવી શકું છું. એન.એફ.સી. સુવિધા ન હોવાના કિસ્સામાં ગૂગલ લેન્સ અથવા કોઈપણ ક્યુ.આર. કોડ સ્કેનરથી સ્કેન કરી શકાય છે. આ સાથે, તે વ્યક્તિનો ફોટો, મોબાઇલ નંબર, ઇમેઇલ આઈડી, તમામ સોશિયલ મીડિયા લિંક, ઉત્પાદન, સેવા, પૂછપરછ ફોર્મ, એપોઇન્ટમેન્ટ, ફોટો ગેલેરી, વિડિયો, પીડીએફ ફાઈલ, બ્રોશર, મેનુ ફાઈલ જેવી ઘણી બધી વિગતો એક ક્લિકમાં સેવ અને શેર કરી શકાય છે.
અર્જુને વેબસાઇટ ડેવલપમેન્ટ, SEO, PHP, એપ ડેવલપમેન્ટ, ડિજિટલ માર્કેટિંગ, સાયબર સિક્યુરિટી એક્સપર્ટ અને એથિકલ હેકિંગમાં મહારત પ્રાપ્ત કર્યું છે. દરેક ભારતીયને ઈન્ટરનેટ, તેમની પોતાની વેબસાઈટની ઍક્સેસ આપવા અને વડાપ્રધાનશ્રી નરેન્દ્રભાઈ મોદીના ડિજિટલ ઈન્ડિયાના સપનાને સાકાર કરવાના ઉદ્દેશ્ય સાથે તેમનો વ્યવસાય શરૂ કરવા માટે તેમણે ઉચ્ચ પગારવાળી નોકરી છોડી દીધી. તે કંપનીમાં તેની કુશળતાનો ઉપયોગ કરવા માટે આ સ્ટાર્ટઅપમાં તેની તમામ બચતનું રોકાણ કરે છે અને યુ. પી. આઈ.ની જેમ જ એન. એફ. સી. ને લોકપ્રિય બનાવવા ઈચ્છે છે.
6 મહિના સુધી રાત-દિવસ કામ કર્યા બાદ તેણે એક વેબસાઈટ બનાવી છે જ્યાં તમામ ડેટા સુરક્ષિત છે અને સર્વર આપણા જ દેશમાં છે. “NFC સ્માર્ટ કાર્ડની સાથે કોડિંગ જ્ઞાન વિના પણ મફતમાં વેબસાઇટ બનાવવા માટે મેં whoicard.com નામની વેબસાઇટ બનાવી છે. કોઈ ડોમેન અને હોસ્ટિંગ લીધા વિના મફતમાં ડાયનેમિક વેબસાઈટ બનાવી શકે છે અને ક્યારેય પણ કોઈની મદદ વગર તેમાં ફેરફાર કરી શકે છે.” તેમ અર્જુને જણાવ્યું હતું.
ઘણા લોકો વિચારે છે કે જો તેમની પાસે વ્યવસાય ન હોય તો આવા કાર્ડની જરૂર નથી. પરંતુ વર્તમાન સમયમાં દરેક વ્યક્તિ પાસે સોશિયલ મીડિયા લિંક્સ, બાયોડેટા, વીડિયો, ફોટો, સંપર્ક નંબર અને અન્ય જેવી અન્ય લોકો સાથે શેર કરવા માટે ઘણી બધી માહિતી છે. અર્જુને વધુમાં ઉમેર્યું હતું કે, આની મદદથી કોઈપણ વ્યક્તિ વિશ્વમાં ગમે ત્યાંથી store.whoicard.com વેબસાઈટ પર જઈને તેમની જરૂરિયાત મુજબ પીવીસી, ઓરિજિનલ લેધર, મેટલ અને લાકડાના સ્માર્ટ NFC કાર્ડ મંગાવી શકે છે.
(PHOTO-FILE)
