વોટ્સએપ પર નંબર બદલવો ખૂબ જ સરળ બની ગયો છે. પહેલા જ્યારે નંબર બદલાતો ત્યારે દરેકને તેની જાણકારી આપવી પડતી હતી, પરંતુ હવે એવું નથી. હવે જો તમે જૂના વોટ્સએપ નંબરને નવામાં બદલો છો, તો તેની સૂચના આપમેળે બધા સંપર્કોને મોકલવામાં આવશે. નંબર બદલવો સરળ છે પરંતુ તે ફોટા, વીડિયો અને મેસેજનું શું થશે જે અગાઉના વોટ્સએપ નંબર સાથે જોડાયેલ છે.
તમને જાણીને નવાઈ લાગશે કે વોટ્સએપમાં એક એવું ફીચર છે જેની મદદથી જૂના નંબરથી ચેટને સરળતાથી નવા નંબર પર ટ્રાન્સફર કરી શકાય છે, જો કે બહુ ઓછા લોકો તેનાથી વાકેફ છે. જો તમે તમારો WhatsApp નંબર બદલો છો અને જૂના ડેટાને સુરક્ષિત રાખવા માંગો છો, તો આ રિપોર્ટ તમારા માટે ઉપયોગી છે.
- વોટ્સએપ પર નંબર કેવી રીતે બદલવો?
જો તમે ફોન બદલતા નથી તો કોઈ વાંધો નથી, પરંતુ જો તમે નંબરની સાથે મોબાઈલ પણ બદલતા હોવ તો વોટ્સએપ પર નંબર બદલતા પહેલા તમારા ડેટાનું લોકલ બેકઅપ ચોક્કસ લો.
- ફોનમાં WhatsApp ખોલો અને સેટિંગ્સમાં જાઓ.
- હવે “એકાઉન્ટ” પર ક્લિક કરો અને “ચેન્જ નંબર” ના વિકલ્પ પર ક્લિક કરો.
- હવે સ્ક્રીન પર આપવામાં આવેલી માહિતીને ધ્યાનથી વાંચો. આમાં, ચેટ, સેટિંગ્સ અને ડેટાને સ્થાનાંતરિત કરવા વિશે પ્રશ્નો પૂછવામાં આવશે.
- હવે “નેક્સ્ટ” પર ક્લિક કરો અને જૂનો અને નવો નંબર દાખલ કરો.
- હવે તમારે પસંદ કરવાનું રહેશે કે નંબર ચેન્જની સૂચના તમારા બધા કોન્ટેક્ટ્સને મોકલવામાં આવે કે નહીં.
- આ માટે, ત્રણ વિકલ્પો ઉપલબ્ધ હશે All Contacts, Contacts I have chat with chats અને Custom વિકલ્પ.
- તમારી પસંદગી મુજબ કોઈપણ વિકલ્પ પસંદ કરો અને પછી “થઈ ગયું” પર ક્લિક કરો.