સુરેન્દ્રનગરઃ જિલ્લાના ચોટીલા હાઇવે પર તેલ ભરેલા ટેન્કરનો અકસ્માત થતાં તેલની નદીઓ વહેતી થઈ હતી. જે અંગેની જાણ થતાં લોકો ડોલ, ડબલા સહિતના વાસણો લઈને તેલ ભરવા માટે ઉમટી પડ્યા હતા. લોકો હાઇવે પર ઢોળાયેલું તેલ ભરવા પડાપડી કરતા નજરે પડ્યાં હતા. બીજી બાજુ પોલીસે ઘટનાસ્થળે દોડી જઇ અકસ્માત અંગેનો ગુન્હો દાખલ કરી કાર્યવાહી હાથ ધરી હતી.
સુરેન્દ્રનગર જિલ્લાના હાઇવે પર અવારનવાર પુરઝડપે દોડતા તેલના ટેન્કરો પલ્ટી ખાઇ જવાના બનાવો બનતા હોય છે. આવી જ એક ઘટના આજે સુરેન્દ્રનગર જિલ્લાના ચોટીલા હાઇવે પર જોવા મળી હતી. જેમાં ચોટીલા હાઇવે પર તેલ ભરેલું ટેન્કર અકસ્માતે પલ્ટી ખાઇ જતા તેલની નદીઓ વહેતી થઈ હતી. જે અંગેની જાણ થતાં લોકો ડોલ, ડબલા સહિતના વાસણો લઈને તેલ ભરવા માટે ઉમટી પડ્યા હતા. લોકો હાઇવે પર ઢોળાયેલું તેલ ભરવા પડાપડી કરતા નજરે પડ્યાં હતા.
એક તરફ તેલના ભાવ આસમાને બીજી તરફ હાઇવે પર આવેલા ઢેઢુકી ગામની બાજુમાં રોડ પર તેલની નદીઓ વહેતી થઈ હોવાનો બનાવ બન્યો હતો. ચોટીલાથી અમદાવાદ તરફ જતા ઢેઢુકી ગામની બાજુમાં તેલ ભરેલા ટેંકરનો અકસ્માતનો બનાવ બન્યો હતો. તેલના ખાડા ભરેલા જોઈ ગામલોકો પોતાના વાસણોને લઈ તેલ ભરવા પહોંચી ગયા હતા. એમાય ગામ લોકોને જાણે સવારે લોટરી લાગી ગઇ હોય તેવા દ્રશ્યો સર્જાયા હતા. જ્યારે બીજી બાજુ પોલીસે ઘટનાસ્થળે દોડી જઇ અકસ્માત અંગેનો ગુન્હો દાખલ કરી કાર્યવાહી હાથ ધરી છે.
