સાયબર હુમલામાંથી બહાર આવ્યા બાદ દિલ્હીની એઈમ્સમાં ઓનલાઈન ઓપીડી રજીસ્ટ્રેશન ફરી શરૂ
દિલ્હી:રાજધાની દિલ્હીની ઓલ ઈન્ડિયા ઈન્સ્ટિટ્યૂટ ઓફ મેડિકલ સાયન્સ (AIIMS)માં OPD માટે નવા દર્દીઓની ઓનલાઈન નોંધણી ફરી શરૂ થઈ ગઈ છે.જો કે, ‘ઓનલાઈન એપોઈન્ટમેન્ટ’ સિસ્ટમ હજુ પણ કાર્યરત નથી અને લેબોરેટરી સેવાઓ ‘મેન્યુઅલ’ રીતે ચલાવવામાં આવી રહી છે.સત્તાવાર સૂત્રોએ મંગળવારે આ માહિતી આપી.
સૂત્રોએ જણાવ્યું હતું કે,દેશની પ્રીમિયર હોસ્પિટલનું સર્વર ડાઉન હતું.એક સત્તાવાર સૂત્રએ જણાવ્યું હતું કે, “સોમવારે ઈ-હોસ્પિટલ સિસ્ટમમાં આઉટ પેશન્ટ ડિપાર્ટમેન્ટ (OPD) રજિસ્ટ્રેશન અને એડમિશન પ્રક્રિયા ઓનલાઈન કરવામાં આવી હતી.
ઓટોમેટેડ પૃથ્થકરણ અને રિપોર્ટિંગ માટે તમામ વોર્ડ અને કલેક્શન એરિયામાંથી એકત્ર કરાયેલા સેમ્પલ માટે સ્માર્ટ લેબ ઇન્ટિગ્રેશન પર કામ કરવામાં આવી રહ્યું છે. વધુમાં, CERT, BEL, DRDO જેવી એજન્સીઓ તેના અમલીકરણમાં મદદ કરી રહી છે.
સૂત્રોના જણાવ્યા અનુસાર, ઓલ ઈન્ડિયા ઈન્સ્ટિટ્યૂટ ઑફ મેડિકલ સાયન્સ- દિલ્હીને 23 નવેમ્બરના રોજ સાયબર એટેકનો સામનો કરવો પડ્યો હતો, જેણે તેના સર્વર ડાઉન કરી દીધા હતા.નોંધપાત્ર રીતે, 25 નવેમ્બરના રોજ દિલ્હી પોલીસના ઇન્ટેલિજન્સ ફ્યુઝન એન્ડ સ્ટ્રેટેજિક ઓપરેશન્સ (IFSO) યુનિટ દ્વારા ખંડણી અને સાયબર આતંકવાદનો કેસ નોંધવામાં આવ્યો હતો.
