- પ્રજાસત્તાક દિવસની પરેડ
- અનેક રાજ્યોની ઝાંખીને બતાવવામાં આવી
- મહારાષ્ટ્ર અને ઉત્તર પ્રદેશની ઝાંખી સર્વશ્રેષ્ઠ
દિલ્હી :દેશના 73માં પ્રજાસત્તાક દિવસ નિમિત્તે આયોજિત પરેડ દરમિયાન ‘આઝાદી કા અમૃત મહોત્સવ’ની ઉજવણી માટે વાયુદળના 75 વિમાનોનો ભવ્ય ‘ફ્લાયપાસ્ટ’ આકર્ષણનું મુખ્ય કેન્દ્ર હતુ તો બીજી તરફ રાજ્યોની અલગ અલગ ઝાંખીએ પણ લોકોનું ધ્યાન કેન્દ્રિત કર્યું હતુ. આ વખતે પ્રજાસત્તાક દિવસની પરેડમાં ઉત્તરપ્રદેશની ઝાંખી સર્વ શ્રેષ્ઠ અને મહારાષ્ટ્રની ઝાંખીને લોકપ્રિય પસંદગીની શ્રેણીમાં જીત મળી છે.
ઉલ્લેખનીય છે કે રક્ષા મંત્રાલયે શુક્રવારે આ અંગે માહિતી આપી હતી. સાથે તે પણ કહેવામાં આવ્યું હતું કે ભારતીય નૌકાદળને સેવાઓમાં શ્રેષ્ઠ માર્ચિંગ ફોર્સ તરીકે પસંદ કરવામાં આવી છે. આ સાથે જ ભારતીય વાયુસેનાએ પોપ્યુલર ચોઈસ કેટેગરીમાં જીત મેળવી છે. શિક્ષણ મંત્રાલય અને નાગરિક ઉડ્ડયન મંત્રાલયને સંયુક્ત વિજેતા જાહેર કરવામાં આવ્યા છે.
રાજપથ પર દેશની સૈન્ય શક્તિ અને જીવંત સાંસ્કૃતિક વારસો ગૌરવપૂર્ણ રીતે ઝાંખી સ્વરૂપે પ્રદર્શિત કરવામાં આવ્યો હતો. જો કે, કોવિડ-19ની વૈશ્વિક મહામારીને કારણે આ વર્ષે પ્રજાસત્તાક દિવસની ઉજવણી બહુ મોટા પાયે આયોજિત કરવામાં આવી ન હતી. જેટલી સામાન્ય વર્ષોમાં કરવામાં આવતી હતી.
1971ના યુદ્ધમાં પાકિસ્તાન સામેની જીતની ઉજવણી કરવા માટે ભારતે 2021માં સુવર્ણ વિજય વર્ષની ઉજવણી કરી હતી. આ યુદ્ધ પછી બાંગ્લાદેશનું નિર્માણ થયું હતું. સૈનિકો એક PT-76 ટેન્ક, એક સેન્ચ્યુરિયન ટેન્ક, બે MBT અર્જુન Mk-I ટેન્ક, એક OT-62 ટોપાઝ બખ્તરબંધ વાહન, એક BMP-I પાયદળ લડાયક વાહન અને બે BMP-II પાયદળ લડાયક વાહનો પણ પરેડમાં સામેલ કરાયા હતા. ભારતીય સેનાએ પ્રજાસત્તાક દિવસની પરેડમાં સેન્ચ્યુરિયન ટેન્ક, PT-76 ટેન્ક, 75/24 પેક હોવિત્ઝર અને OT-62 પોખરાજ આર્મર્ડ વ્હીકલ જેવા મુખ્ય શસ્ત્રો અને સાધનો પ્રદર્શિત કર્યા હતા, જેણે 1971ના ભારત-પાક યુદ્ધમાં પાકિસ્તાનને હરાવવામાં મુખ્ય ભૂમિકા ભજવી હતી.