લેપટોપ ઉપર વધારે કામ કરવાથી હાથમાં કળતર અને દુઃખાવો થાય છે? તો આ સમસ્યા હોઈ શકે છે
જો તમે તમારા હાથમાં ઝણઝણાટી અને સુન્નતાને અનુભવો છો, તો આવુ કાર્પલ ટનલ સિન્ડ્રોમને કારણે થઈ શકે છે. આ એક સામાન્ય સ્થિતિ છે જેમાં હાથમાં કળતર અને ઝણઝણાટીની ફરિયાદ રહે છે. આ સ્થિતિ ત્યારે થાય છે જ્યારે રક્ત પરિભ્રમણ હાથની નસો સુધી યોગ્ય રીતે પહોંચતું નથી અને કાંડામાં દુખાવો શરૂ થાય છે.
ઝણઝણાટી અને સુન્નતા : આંગળીઓ અથવા હાથમાં ઝણઝણાટી અને સુન્નતા આવી શકે છે. સામાન્ય રીતે અંગૂઠો, તર્જની, મધ્યમ અને અનામિકા આંગળી અસરગ્રસ્ત થાય છે, પરંતુ નાની આંગળીને અસર થતી નથી. તમને આ આંગળીઓમાં ઈલેક્ટ્રિક શોક જેવું કંઈક લાગે છે. સ્ટિયરિંગ વ્હીલ, ફોન અથવા અખબાર પકડતી વખતે આ લક્ષણો વારંવાર જણાય છે અથવા તે તમને ઊંઘમાંથી જગાડી શકે છે. ઘણા લોકો તેમના લક્ષણોમાંથી રાહત મેળવવા માટે તેમના હાથની મુવમેન્ડ કરે છે. સુન્નતાની લાગણી સમય જતાં સતત બની શકે છે.
નબળાઈ: કાર્પલ ટનલ સિન્ડ્રોમ ધરાવતા લોકો તેમના હાથમાં નબળાઈ અનુભવી શકે છે અને વસ્તુઓ પાડી શકે છે. આ અંગૂઠાના પિંચિંગ સ્નાયુઓની નિષ્ક્રિયતા અથવા નબળાઇને કારણે હોઈ શકે છે, જે મધ્ય ચેતા દ્વારા પણ નિયંત્રિત થાય છે.
કાર્પલ ટનલ સિન્ડ્રોમ મીડિયન નર્વ પર દબાણને કારણે થાય છે. મીડિયન નર્વ કાંડામાં એક માર્ગથી હાથ સુઝી જાય છે, જેને કાર્પલ ટનલના રૂપમાં ઓળખાય છે. નીડિયન નર્વ અંગૂઠાના પામર ભાગ અને નાની આંગળી સિવાય તમામ આંગળીઓને સંવેદના પૂરી પાડે છે. આ નર્વ અંગૂઠાના પાયાની આસપાસના સ્નાયુઓને મુવમેન્ડ માટે સંકેતો પણ આપે છે.
