ટોક્યો પેરાલિમ્પિક્સમાં ભાવિના પટેલ સિલ્વર મેડલ જીતી, ભારતને પ્રથમ મેડલ

• ભારતને ટોક્યો પેરાલિમ્પિક્સમાં મળ્યો પ્રથમ મેડલ
• ભાવિના પટેલે અપાવ્યો મેડલ

ટોક્યો પેરાલિમ્પિક્સમાં ભારતને પ્રથમ મેડલ મળ્યો છે. ટેબલ ટેનિસની ક્લાસ ફોર ઇવેન્ટમાં મહિલા પેડલર ભાવિના પટેલે પોતાની શાનદાર રમતથી આ મેડલ જીત્યો છે.

ગુજરાતના વડનગરના રહેવાસી ભાવિનાએ પોતાની મજબૂત રમતથી વિશ્વના નંબર 2, વર્લ્ડ નંબર 3 જેવા તમામ વિરોધીઓને હરાવ્યા. આ અર્થમાં પણ, એવું માનવામાં આવે છે કે, તે ચેમ્પિયન બનશે. ભાવિનાના પતિ નિકુલ ટેલે કહ્યું- ઈચ્છા શક્તિ તેની સૌથી મોટી તાકાત છે, જેના કારણે તે પોતાના વિરોધીઓને હરાવી રહી હોય તેવું લાગે છે.

ફાઇનલ મેચમાં ભાવિનાને 3-0થી હારનો સામનો કરવો પડ્યો હતો. તેને આ હાર વિશ્વના નંબર વન ચાઇના પેડલરના હાથે મળી, ચાઇનીઝ પેડલરે ભાવિનાને 7-11, 5-11, 6-11થી હરાવી હતી.

ભાવિનાએ મેળવેલ સિદ્ધિએ આજે મહેસાણા સહિત ગુજરાત અને ભારત દેશનું નામ રોશન કર્યું છે. ભાવિના પટેલની આ પ્રથમ પેરાલિમ્પિક્સ છે અને તેના પ્રથમ પ્રયાસમાં જ તેણે રમતના સૌથી મોટા મંચ પર શાનદાર કામ કર્યું છે.ભાવિના પટેલ પહેલા કોઈ પણ ભારતીય ખેલાડી પેરાલિમ્પિક ગેમ્સમાં ટેબલ ટેનિસની ક્વાર્ટર ફાઇનલમાં પહોંચવામાં સફળ રહ્યા નથી.