દિલ્હી : ભારત આ વર્ષે G20 સમિટની અધ્યક્ષતા કરી રહ્યું છે. થોડા દિવસો પહેલા અરુણાચલ પ્રદેશમાં એક બેઠક યોજાઈ હતી. જેમાં તમામ દેશોના પ્રતિનિધિઓને આમંત્રણ આપવામાં આવ્યું હતું. ચીનને પણ આમંત્રણ આપવામાં આવ્યું હતું. પરંતુ ચીને આ બેઠકથી પોતાને દૂર રાખ્યા હતા. પાકિસ્તાન, ચીને G20 બેઠકની તારીખ અને સ્થળને લઈને વાંધો ઉઠાવ્યો હતો. પ્રવાસન કાર્યકારી જૂથની બેઠક શ્રીનગરમાં 22-24 મેના રોજ યોજાવાની હતી. જોકે ભારતે ચીન અને પાકિસ્તાનના પાયાવિહોણા વાંધાઓને ફગાવી દીધા હતા. ભારતે સ્પષ્ટ કર્યું છે કે બેઠક શ્રીનગરમાં જ યોજાશે.
ચીનનો મુદ્દો એ છે કે તે પોતાની મનમાની કરવા માંગે છે. પાકિસ્તાનની હાલત એટલી ખરાબ છે કે ત્યાં ખોરાકની અછત છે. પરંતુ તે ભારત વિરુદ્ધ કાવતરું ઘડવામાં સૌથી આગળ છે. પાકિસ્તાને સાઉદી અરેબિયા, તુર્કી અને શ્રેષ્ઠ મિત્ર ચીનને શ્રીનગરમાં બેઠક રોકવાની અપીલ કરી હતી. પાકિસ્તાને શ્રીનગરમાં બેઠકનો વિરોધ કરવાની વિનંતી કરી. પરંતુ ભારતે નક્કી કરી લીધું છે કે તેણે શું કરવાનું છે. બેઇજિંગે નાપાક ચાલ રમીને અરુણાચલના 11 સ્થળોના નામ બદલી નાખ્યા.જેનો ભારતે ઉગ્ર વિરોધ નોંધાવ્યો હતો.
ભારતે બે દિવસ પહેલા એટલે કે શુક્રવારે G20 કેલેન્ડર અપડેટ કર્યું હતું. જેમાં પર્યટનને લગતી બેઠકનો દિવસ 22-24 મે નક્કી કરવામાં આવ્યો હતો. માનવામાં આવે છે કે અરુણાચલની જેમ ચીન પણ શ્રીનગર બેઠકનો બહિષ્કાર કરી શકે છે. જો કે, સત્તાવાર સૂત્રોએ જણાવ્યું હતું કે શ્રીનગરમાં આયોજિત બેઠક અંગે ક્યારેય કોઈ શંકા નથી. ગયા વર્ષથી જ તૈયારીઓ શરૂ થઈ ગઈ હતી.
G-20ની બેઠક 28 રાજ્યો, 8 કેન્દ્રશાસિત પ્રદેશોમાં યોજાવા જઈ રહી છે. અધિકારીઓએ સ્પષ્ટ કર્યું કે અરુણાચલ અને જમ્મુ-કાશ્મીર બંને ભારતના અભિન્ન અંગો છે. ચીનના સંરક્ષણ અને વિદેશ મંત્રી SCO બેઠક માટે ભારતની મુલાકાત લઈ શકે છે. જુલાઈમાં SCO સમિટની તારીખ નક્કી કરવા માટે ભારત ચીન, રશિયા અને અન્ય દેશોના સંપર્કમાં છે.