બ્રિટિશના ચલણી સિક્કા ઉપર મહાત્મા ગાંધીજીને સ્થાન, દિવાળીના તહેવારમાં સિક્કાનું અનાવરણ
દિલ્હીઃ અહિંસાના પુજારી મહાત્મા ગાંધીના સિદ્ધાંતોને ભારત સહિત દુનિયાના અનેક દેશો અનુસરે છે. દરમિયાન ભારતના રાષ્ટ્રપિતા મહાત્મા ગાંધીના જીવન અને વારસાને પહેલીવાર બ્રિટિશ સિક્કા દ્વારા યાદ કરવામાં આવશે. ગોળ સિક્કા પર ભારતનું રાષ્ટ્રીય ફૂલ કમળ અને મહાત્મા ગાંધીનું ચિત્ર છપાયેલું છે. તેના પર એક લખાણ પણ છે, “મારું જીવન જ મારો સંદેશ
યુકે ટ્રેઝરી ચીફ ઋષિ સુનકે જણાવ્યું હતું કે, “એક હિંદુ તરીકે, મને દિવાળી દરમિયાન આ સિક્કાનું અનાવરણ કરવામાં ગર્વ છે. મહાત્મા ગાંધીએ ભારતીય આઝાદીની ચળવળમાં અને તેમના નોંધપાત્ર જીવનમાં પ્રથમ વખત મહત્વપૂર્ણ ભૂમિકા ભજવી હતી. યુકેનો સિક્કો હોવો ખૂબ જ સારી વાત છે.”
5 પાઉન્ડનો સિક્કો સોના અને ચાંદીમાં બનાવવામાં આવશે અને તેને લીગલ ટેન્ડરનો દરજ્જો મળશે. જો કે, તે સામાન્ય ઉપયોગ માટે રચાયેલ નથી. દિવાળીના અવસરે ગુરુવારથી તેનું વેચાણ શરૂ થયું છે. જીવનના તમામ ક્ષેત્રોમાં લઘુમતી સમુદાયોના યોગદાનને યોગ્ય રીતે રજૂ કરવાની ઝુંબેશના ભાગરૂપે સુનકે ગયા વર્ષે 50 પૈસાનો નવો “ડાયવર્સિટી બિલ્ટ બ્રિટન” નો સિક્કો લોન્ચ કર્યો હતો. બ્રિટનના વૈવિધ્યસભર ઇતિહાસની ઉજવણી કરતા લગભગ 10 મિલિયન સિક્કા ઓક્ટોબર 2020માં ચલણમાં આવ્યા હતા.
