આ વર્ષે 18 ફેબ્રુઆરીએ દેશભરમાં મહાશિવરાત્રીનો તહેવાર ઉજવવામાં આવશે.આ દિવસે મહાદેવને તેમની મનપસંદ વસ્તુઓ અર્પણ કરવામાં આવે છે. ભાંગ પણ મહાદેવને અતિ પ્રિય છે.આ દિવસે લોકો મહાદેવને ઠંડાઈ અર્પણ કરે છે અને તે ભક્તોને પ્રસાદના રૂપમાં વહેંચવામાં આવે છે.કહેવાય છે કે,મહાશિવરાત્રીનો તહેવાર ઠંડાઈ વગર અધૂરો છે.જો તમે પણ આ પ્રસંગે તમારા આરાધ્યને ઠંડાઈ અર્પણ કરવા માંગો છો, તો તેને બનાવવાની રીત આ રહી.
સામગ્રી
દૂધ – 1 લિટર
બદામ – અડધો કપ
ખસખસ – 6 ચમચી
વરિયાળી – અડધો કપ
કાળા મરી – 2 ચમચી
લીલી એલચી – 5
તરબૂચના બીજ – 4 ચમચી
શક્કરટેટીના બીજ – 4 ચમચી
કાકડીના બીજ – 4 ચમચી
ગુલાબની પાંખડીઓ – 2 ચમચી
સ્વાદ માટે ખાંડ
આ રીતે તૈયાર કરો
1. સૌથી પહેલા એક બાઉલમાં તરબૂચ, શક્કરટેટી અને કાકડીના બીજ, ખસખસ, વરિયાળી, ગુલાબના પાન, કાળા મરી અને એલચીને આખી રાત પાણીમાં પલાળી રાખો.
2. બદામને અલગથી પલાળી દો.
3. સવારે બદામને છોલી લો અને બીજી બધી સામગ્રીને પાણી સાથે પીસીને ઝીણી પેસ્ટ બનાવો.
4. હવે દૂધને ઉકાળો અને ઠંડુ થવા દો.
5. તેમાં સ્વાદ અનુસાર ખાંડ મિક્સ કરો.
6. જો કેસર હોય તો થોડું કેસર પણ નાખો.
7. હવે બે ગ્લાસમાં પાણી લો અને મલમલનું કપડું લો.
8. પેસ્ટને કપડામાં ગાળી લો અને પછી પાણી અને દૂધ મિક્સ કરો.
9. આ મિશ્રણને થોડીવાર માટે ફ્રીજમાં રાખો.
10. બારીક સમારેલા ડ્રાયફ્રુટ્સને ઠંડાઈમાં પણ ગાર્નિશ કરી શકાય છે.
11. તે ઠંડુ થાય પછી તેમાં બરફ ઉમેરો.
12. હવે આ ઠંડાઈ મહાદેવને અર્પણ કરવા માટે તૈયાર છે.
