દિલ્હી : વડાપ્રધાન નરેન્દ્ર મોદી બે દિવસીય ફ્રાંસના પ્રવાસે છે. ત્યાં તેમણે ભારતીય સમુદાયના કાર્યક્રમમાં ભાગ લીધો હતો. મોદીએ પોતાના સંબોધનમાં ફ્રાન્સના ફૂટબોલ કેપ્ટન કૈલિયન એમબાપ્પેનો ઉલ્લેખ કર્યો હતો. તેણે કહ્યું કે ફ્રાંસ કરતાં ભારતમાં તેના વધુ ચાહકો અને સમર્થકો છે. આ સાથે જ તેણે મહાન સ્વિસ ટેનિસ ખેલાડી રોજર ફેડરરનો પણ ઉલ્લેખ કર્યો.
ભારત અને ફ્રાંસના સંબંધો વિશે વાત કરતા વડાપ્રધાન મોદીએ ફ્રાન્સના સ્ટાર ફૂટબોલર એમબાપ્પે વિશે વાત કરી હતી. તેણે કહ્યું, “ભારત આવો અને ફ્રેન્ચ ફૂટબોલ ખેલાડીની ખ્યાતિ જુઓ. ભારતના યુવાનોમાં તે સુપરહિટ છે, કિલિયન એમ્બાપ્પેના જેટલા ચાહકો છે તેનાથી વધુ ફ્રાન્સમાં નહીં હોય.
કિલિયન એમ્બાપ્પે વિશ્વનો શ્રેષ્ઠ યુવા ફૂટબોલર છે. તે 2018માં વર્લ્ડ કપ જીતનાર ટીમનો સભ્ય હતો. આ સિવાય ટીમ તેમના રોકાણ દરમિયાન 2022 વર્લ્ડ કપની ફાઇનલમાં પહોંચી હતી. ત્યાં તેને લિયોનેલ મેસીની ટીમ આર્જેન્ટીના સામે હારનો સામનો કરવો પડ્યો હતો.એમ્બાપ્પે એ મેચમાં ત્રણ ગોલ કર્યા હતા. જોકે, તે ટીમને જીત અપાવી શક્યો નહોતો. એમબાપ્પે ફ્રાન્સની શ્રેષ્ઠ ફૂટબોલ ક્લબમાંની એક પેરિસ સેન્ટ-જર્મન માટે પણ રમે છે.
ટેનિસના બેતાજ બાદશાહ રોજર ફેડરર પણ વિમ્બલ્ડનની ઓપનિંગ સેરેમનીમાં પહોંચ્યો હતો. વિમ્બલ્ડન દ્વારા તેમના માટે કરવામાં આવેલ એક ટ્વીટ ખૂબ વાયરલ થઈ હતી. ફેડરરનું વિમ્બલ્ડનમાં યોગદાન બદલ સન્માન કરવામાં આવ્યું હતું. આ દરમિયાન તેણે લગભગ બે મિનિટ સ્ટેન્ડિંગ ઓવેશન કર્યું.ફેડરરની સાથે તેની પત્ની મિર્કા પણ હતી. આ પછી વિમ્બલડને ફેડરરની તસવીર શેર કરી અને લખ્યું- થલાઈવા. આ શબ્દનો ઉપયોગ ભારતમાં રજનીકાંતના ચાહકો કરે છે.
રજનીકાંતને તમિલનાડુના લોકો પ્રેમથી ‘થલાઈવા’ કહે છે. તે ‘થલાઈવર’ પરથી ઉતરી આવ્યું છે, જેનો અર્થ થાય છે, ‘નેતા અથવા બોસ.’ ભાષાઓ વિશે વાત કરતા વડાપ્રધાન મોદીએ કહ્યું કે તમિલ વિશ્વની સૌથી જૂની ભાષા છે. થોડા દિવસો પહેલા ટેનિસ દિગ્ગજ રોજર ફેડરરને વિમ્બલ્ડન દ્વારા ‘થલાઈવા’ કહેવામાં આવ્યુ હતું.