પીએમ મોદીએ બૌદ્ધ ધર્મના ગુરુ દલાઈ લામા સાથે ફોન પર વાત કરી,જન્મદિવસની પાઠવી શુભેચ્છા
દિલ્હી :વડા પ્રધાન નરેન્દ્ર મોદીએ ગુરુવારે આધ્યાત્મિક નેતા દલાઈ લામાને તેમના 88માં જન્મદિવસ પર અભિનંદન આપવા માટે ટેલિફોન કર્યો અને તેમના લાંબા અને સ્વસ્થ જીવનની શુભેચ્છા પાઠવી. એક ટ્વિટમાં મોદીએ કહ્યું, “દલાઈ લામા સાથે વાત કરી અને તેમના 88માં જન્મદિવસ પર તેમને શુભેચ્છા પાઠવી. હું તેમને લાંબુ અને સ્વસ્થ જીવન ઈચ્છું છું.” 14મા દલાઈ લામા, તેનઝીન ગ્યાત્સોનો જન્મ 6 જુલાઈ, 1935ના રોજ પૂર્વી તિબેટમાં થયો હતો.
Spoke to His Holiness @DalaiLama and conveyed heartfelt greetings to him on his 88th birthday. Wishing him a long and healthy life.
— Narendra Modi (@narendramodi) July 6, 2023
તિબેટના આધ્યાત્મિક નેતા અને નોબેલ શાંતિ પુરસ્કાર વિજેતા દલાઈ લામાનો આજે 88મો જન્મદિવસ મેકલોડગંજમાં ઉજવવામાં આવી રહ્યો છે. મેકલોડગંજના દલાઈ લામા મંદિરમાં જન્મદિવસની ઉજવણી આખો દિવસ ચાલુ રહેશે. દલાઈ લામાના જન્મદિવસની ઉજવણીમાં મુખ્ય પ્રધાન સુખવિંદર સિંહ સુખુ અને વિશ્વભરમાંથી ઘણી મોટી હસ્તીઓએ ભાગ લીધો હતો. સીએમ સુખવિન્દર સિંહ સુખુએ તિબેટના ધાર્મિક નેતા દલાઈ લામાને તેમના 88માં જન્મદિવસ પર આજે એટલે કે 6 જુલાઈએ મેકલોડગંજમાં શુભેચ્છા પાઠવી હતી.
સીએમ સુખુએ ધાર્મિક નેતા દલાઈ લામાના જન્મદિવસ પર આયોજિત કાર્યક્રમમાં મુખ્ય અતિથિ તરીકે ભાગ લીધો હતો. આ દરમિયાન મુખ્યમંત્રીએ કહ્યું કે ધર્મગુરુ દલાઈ લામા શાંતિ અને કરુણાના સાચા પ્રતીક છે. સીએમએ વધુમાં જણાવ્યું હતું કે તેમના ઉપદેશો વિશ્વભરના લાખો લોકોને પ્રેરણા આપતા રહે છે. તેમણે વધુમાં કહ્યું કે ધર્મગુરુ દલાઈ લામાના ઉપદેશો અને માર્ગદર્શન આપણને ઉજ્જવળ ભવિષ્ય તરફ લઈ જશે. તેમણે આધ્યાત્મિક નેતા દલાઈ લામાને સ્વસ્થ જીવન અને દીર્ઘાયુની શુભેચ્છા પાઠવી હતી.
