સિક્કિમના સરહદી વિસ્તારોમાં પ્રધાનમંત્રી જન ઔષધિ કેન્દ્રોની સ્થાપના કરાશે
નવી દિલ્હીઃ કેન્દ્ર સરકાર ઉત્તર-પૂર્વીય રાજ્ય સિક્કિમના સરહદી વિસ્તારોમાં પ્રધાનમંત્રી જન ઔષધિ કેન્દ્રોની સ્થાપના કરશે, જેનું સંચાલન ભૂતપૂર્વ સૈનિકો કરશે. આ સંબંધમાં, ભૂતપૂર્વ સૈનિક કલ્યાણ વિભાગના સચિવે ચીન સરહદે સિક્કિમની સરહદે આવેલા વિસ્તારોની મુલાકાત લીધી હતી અને ભૂતપૂર્વ સૈનિકોને લગતી વિવિધ કલ્યાણ યોજનાઓની સમીક્ષા કરી હતી.
કેન્દ્ર સરકારના આ નિર્ણયને ભૂતપૂર્વ સૈનિકોની આરોગ્ય સુવિધાઓને વધુ મજબૂત બનાવવા તરીકે જોવામાં આવી રહી છે. ભૂતપૂર્વ સૈનિક કલ્યાણ વિભાગના સચિવ ડૉ. નિતેન ચંદ્રા, ભૂતપૂર્વ સૈનિક કલ્યાણ વિભાગના આઉટરીચ પ્રોગ્રામ ‘સમધાન અભિયાન’ના ભાગરૂપે સોમવારે સિક્કિમના સરહદી વિસ્તારોની મુલાકાત લીધી હતી. તેમણે માજી સૈનિકો માટેની વિવિધ કલ્યાણકારી યોજનાઓ વિશે માહિતી મેળવી હતી.
તેમણે કહ્યું હતું કે, રાજ્ય સૈનિક બોર્ડ અને જિલ્લા સૈનિક બોર્ડને સમગ્ર વિસ્તારમાં સામાન્ય સેવા કેન્દ્રો અને પ્રધાનમંત્રી જન ઔષધિ કેન્દ્રો સ્થાપિત કરવા સૂચના આપવામાં આવી છે. ડૉ. નિતેન ચંદ્રાએ કહ્યું હતું કે, સિક્કિમના સરહદી વિસ્તારોમાં ખોલવામાં આવનાર પ્રધાનમંત્રી જન ઔષધિ કેન્દ્રો ભૂતપૂર્વ સૈનિકો દ્વારા સંચાલિત કરવામાં આવશે.
ભૂતપૂર્વ સૈનિકો માટે આરોગ્ય માર્ગદર્શિકા અંગે ચર્ચા કરવા તેઓ ગંગટોકમાં સિક્કિમના મુખ્ય સચિવ વીબી પાઠકને મળ્યા હતા. બેઠક દરમિયાન ચર્ચા કરવામાં આવી હતી કે, રાજ્યના બાગાયત વિભાગની મદદથી ભૂતપૂર્વ સૈનિકોના સહકારી જૂથોને આ વિસ્તારમાં એવોકાડો, નારંગી, કિવી અને ફળોની ખેતી કરવા માટે પ્રોત્સાહિત કરવામાં આવશે.
મહાનિર્દેશક (પુનર્વસન) મેજર જનરલ એસબીકે સિંઘે ભૂતપૂર્વ સૈનિકોના કૌશલ્યો અને યોગ્યતા વધારવા અને તેમના પુનર્વસન માટે ઉદ્યોગસાહસિકતાના નમૂનાઓ માટે ઉપલબ્ધ વિવિધ કાર્યક્રમો વિશે વિગતવાર સમજાવ્યું હતું. ભૂતપૂર્વ સૈનિક કલ્યાણ વિભાગના સચિવએ ભારતીય સેનાના 17 માઉન્ટ ડિવિઝનની મુલાકાત લીધી હતી અને GOC મેજર જનરલ અમિત કબથીયાલ દ્વારા તેમનું સ્વાગત કરવામાં આવ્યું હતું.
આ દરમિયાન, સચિવે ECHS પોલીક્લીનિક, સ્પર્શ સુવિધા કેન્દ્ર અને નિવૃત્ત સર્વિસમેન ફેસિલિટેશન સેન્ટર સહિત વિવિધ સંરક્ષણ સંસ્થાઓની મુલાકાત લીધી અને ઉપલબ્ધ સુવિધાઓનો સ્ટોક લીધો. તેમણે ભૂતપૂર્વ સૈનિકો સાથે વાર્તાલાપ કર્યો અને અન્ય મુદ્દાઓ ઉપરાંત પેન્શન, આરોગ્ય સંભાળ અને તેમના પુનર્વસન વિશે પૂછપરછ કરી હતી. સમગ્ર પ્રદેશમાંથી મોટી સંખ્યામાં ભૂતપૂર્વ સૈનિકોએ સમાધાન અભિયાનમાં ભાગ લીધો હતો, જ્યાં તેમને સંબંધિત વિવિધ મુદ્દાઓ પર સહાય પૂરી પાડવામાં આવી હતી.
