- વિપક્ષી ઉમેદવાર યશવંત સિન્હા આજે નોંધાવશે
- ઉમેદવારી સમર્થન આપવા રાહુલ-શરદ પવાર સહિત અનેક મોટા નેતાઓ પહોંચશે
- કહ્યું-જો ચૂંટાયો તો એજન્સીઓનો ‘દુરુપયોગ’ થશે નહીં
દિલ્હી:રાષ્ટ્રપતિ પદના વિપક્ષી ઉમેદવાર યશવંત સિંહા આજે ઉમેદવારી પત્ર ભરશે. આ દરમિયાન રાહુલ ગાંધી, મલ્લિકાર્જુન ખડગે, સીતારામ યેચુરી, શરદ પવાર અને મમતા બેનર્જી સહિત અનેક વિપક્ષી નેતાઓ તેમની સાથે આવવાની આશા છે.સિંહાએ દાવો કર્યો હતો કે, તેમને અન્ય કેટલીક પાર્ટીઓનું સમર્થન પણ મળશે.
યશવંત સિન્હાએ કહ્યું હતું કે,આપણી લોકશાહી, આપણું બંધારણ ખતરામાં છે. સ્વાતંત્ર્ય સંગ્રામના તમામ મૂલ્યો જોખમમાં છે. જેના કારણે ભારત ખતરામાં છે.આ દરમિયાન તેમણે કહ્યું કે સોનિયા ગાંધી અને રાહુલ ગાંધી સાથે જે રીતે વર્તન કરવામાં આવી રહ્યું છે તે આંખ ખોલનારી છે. સિંહાએ હવાલા કેસમાં તેમના નિવાસસ્થાને તપાસ એજન્સીઓ દ્વારા કરવામાં આવેલી પૂછપરછનો ઉલ્લેખ કર્યો અને કહ્યું કે આ મામલો કોર્ટમાં ટકી શક્યો નથી.આ તમામ કેસ રાજકીય પ્રેરિત છે.
યશવંત સિન્હાએ કહ્યું કે મને એ કહેવામાં કોઈ સંકોચ નથી કે ઘણા લોકો વિરોધ પક્ષમાંથી ભાજપમાં જઈ રહ્યા છે, તેઓ ખરેખર સીબીઆઈ, ઈડીથી ડરે છે.તેમને ધમકી આપવામાં આવી હશે.જો તેઓ રાષ્ટ્રપતિ પદ માટે ચૂંટાય છે, તો તેઓ તરત જ રાજકીય વિરોધીઓને નિશાન બનાવવા માટે સરકારી એજન્સીઓના દુરુપયોગને સમાપ્ત કરશે.તો આ સાથે એ પણ સુનિશ્ચિત કરશે કે ન્યાય અને ન્યાયીપણું જળવાઈ રહે.