- કેન્દ્રીય કેબિનેટે ખાનગી એફએમ રેડિયો શરૂ કરવા આપી મંજુરી
- સરકારના આ નિર્ણયથી રોજગારીની નવી તકો ઉભી થશે
નવી દિલ્હીઃ પ્રધાનમંત્રી નરેન્દ્ર મોદીની અધ્યક્ષતામાં કેન્દ્રીય મંત્રીમંડળે ખાનગી એફએમ રેડિયોના પ્રથમ તબક્કાની નીતિ અંતર્ગત રૂ.784.87 કરોડની અંદાજિત અનામત કિંમત સાથે 234 નવા શહેરોમાં 730 ચેનલો માટે આરોહણ ઇ-હરાજીની ત્રીજી બેચ હાથ ધરવાની દરખાસ્તને મંજૂરી આપી દીધી છે. રાજ્યવાર શહેરો/નગરોની યાદી અને નવી હરાજી માટે મંજૂર થયેલી ખાનગી એફએમ ચેનલ્સની સંખ્યાને પરિશિષ્ટ તરીકે જોડવામાં આવી છે.
મંત્રીમંડળે ગુડ્સ એન્ડ સર્વિસ ટેક્સ (જીએસટી)ને બાદ કરતાં એફએમ ચેનલની વાર્ષિક લાઇસન્સ ફી (એએલએફ) કુલ આવકના 4 ટકા તરીકે લેવાની દરખાસ્તને પણ મંજૂરી આપી હતી. આ 234 નવા શહેરો/નગરો માટે લાગુ થશે. 234 નવા શહેરો/નગરોમાં ખાનગી એફએમ રેડિયો રોલઆઉટ આ શહેરો/કસ્બાઓમાં એફએમ રેડિયોની અવિરત માગને પૂર્ણ કરશે, જે હજુ પણ ખાનગી એફએમ રેડિયો પ્રસારણ દ્વારા ખુલ્લી રાખવામાં આવી છે અને માતૃભાષામાં નવી/સ્થાનિક સામગ્રી લાવશે. તે રોજગારીની નવી તકોનું સર્જન કરવા, સ્થાનિક બોલી અને સંસ્કૃતિને પ્રોત્સાહન આપવા તરફ દોરી જશે તથા ‘વોકલ ફોર લોકલ’ પહેલો તરફ દોરી જશે. માન્ય થયેલા ઘણાં શહેરો/કસ્બાઓ મહત્વાકાંક્ષી જિલ્લાઓ અને એલડબલ્યુઇ (LWE) અસરગ્રસ્ત વિસ્તારોમાં છે. આ ક્ષેત્રોમાં ખાનગી એફએમ રેડિયોની સ્થાપનાથી આ વિસ્તારોમાં સરકારની પહોંચ વધુ મજબૂત થશે.
#FMExpansion #NewFMRadios #PrivateFM #RadioRevolution #FMIn234Cities #IndiaFMExpansion #RadioUpdates #FMReach #NewRadioStations #IndiaOnAir