અલ્લુ અર્જુન સ્ટારર ફિલ્મ ‘પુષ્પા 2: ધ રૂલ’ને લઈને ચાહકોમાં ભારે ઉત્તેજના છે. ફિલ્મની રીલિઝ પહેલા તેના ગીતો અને ટીઝરે ચાહકોને વધુ ઉત્સાહિત કરી દીધા છે. ‘પુષ્પા 2: ધ રૂલ’ આ વર્ષની સૌથી વધુ રાહ જોવાતી ફિલ્મોમાંની એક છે અને તેથી, તેની રિલીઝ પહેલા, તે માત્ર ભારતમાં જ નહીં, વિદેશમાં પણ ધૂમ મચાવી રહી છે. આ ફિલ્મ 5 ડિસેમ્બર, 2024ના રોજ વિશ્વભરના સિનેમાઘરોમાં રિલીઝ થશે. ‘પુષ્પા 2: ધ રૂલ’એ તેની સત્તાવાર રિલીઝ પહેલા જ ઘણા રેકોર્ડ તોડી નાખ્યા છે. યુનાઇટેડ સ્ટેટ્સમાં ફિલ્મની 15,000 થી વધુ ટિકિટો વેચાઈ છે.
‘પુષ્પા 2: ધ રૂલ’ તેની રિલીઝ પહેલા જ યુએસ માર્કેટમાં તેની ટિકિટના વેચાણને લઈને ઘણી ચર્ચા જગાવી ચૂકી છે. નિર્માતાઓએ એક નવું પોસ્ટર શેર કર્યું છે અને લખ્યું છે – ‘એક પછી એક રેકોર્ડ તોડતા #Pushpa2TheRule અમેરિકામાં 15 હજારથી વધુ ટિકિટો વેચનારી સૌથી ઝડપી ભારતીય ફિલ્મ બની છે. સાઉથના સુપરસ્ટાર અલ્લુ અર્જુનની આ ફિલ્મની ભારતમાં પ્રસંશકો લાંબા સમયથી રાહ જોઈ રહ્યાં છે, ભારત ઉપર દુનિયાભરમાં આ ફિલ્મને રિલીઝ કરવાનું ફિલ્મના ડાયરેક્ટર-પ્રોડ્યુસર આયોજન કરી રહ્યાં છે.