- રાજામૌલીની RRRનું બોક્સ ઓફીસ પર શાનદાર કલેક્શન
- હિન્દી બોક્સ ઓફીસ પર પહેલા જ વીકમાં કરોડોની કરી કમાણી
મુંબઈઃ- તાજેતરમાં જ રિલીઝ થયેલી સાઉથની ફિલ્મ આરઆરઆર ખૂબ ચર્ચામાં છે, ઓપનિંગમાં જ કરોડોની કમાણી કરી ચૂકેલી ફિલ્મ હવે હિન્દી બોસ્ક ઓફીસ પર કમાલ દેખાડી રહી છે,રાજામૌલીની આ ફિલ્મને દર્શકો ઘણી પસંદ કરી રહ્યા છે.
આ ફિલ્મે પહેલા જ દિવસે ઘણા રેકોર્ડ બનાવ્યા અને હવે પહેલા જ વીકએન્ડમાં જ ફિલ્મે ધમાકેદાર કમાણી કરી છે. આ ફિલ્મ માત્ર દક્ષિણમાં જ નહીં પરંતુ હિન્દી બેલ્ટમાં પણ હીટ જઈ રહી છે.વિતેલા દિવસને રવિવારે ફિલ્મે હિન્દી બોક્સ ઓફિસ પર 30 કરોડની કમાણી કરી છે અને તે મુજબ ફિલ્મે પહેલા વીકેન્ડમાં હિન્દીમાં 73 કરોડની કમાણી કરી લીધી છે.
પ્રાપ્ત જાણકારી પ્રમાણે બોર્સ ઓફીસ.કોમના રિપોર્ટની જો માનીએ તો RRR એ રવિવારે 30-31 કરોડ સુધીની કમાણી કરી છે. રવિવારે ફિલ્મની કમાણીમાં જબરદસ્ત વધારો નોંધાયો છે. આ કમાણી સાથે, ફિલ્મ હવે હિન્દીમાં સૌથી વધુ કમાણી કરનારની યાદીમાં બીજા નંબરે આવી ચૂકી છે. અક્ષય કુમારની ફિલ્મ સૂર્યવંશી પ્રથમ નંબર પર જોવા મળી છે. સૂર્યવંશીએ પહેલા વીકેન્ડમાં 77 કરોડની કમાણી કરી હતી.
આ સાથે જ આ ફિલ્મ નિઝામની પહેલી એવી ફિલ્મ બની છે જેણે તેના પહેલા વીકએન્ડમાં 50 કરોડની કમાણી કરી છે. ટ્રેડ એનાલિસ્ટ રમેશ બાલાએ ટ્વીટ કર્યું છે કે , ‘RRR એ ઈતિહાસ રચ્યો. પ્રથમ વીકેન્ડમાં 50 કરોડની કમાણી કરનાર પ્રથમ ફિલ્મ. ફિલ્મે નિઝામમાં પહેલા વીકેન્ડમાં 53.45 કરોડની કમાણી કરી છે.તમિલનાડુમાં ફિલ્મે પહેલા વીકેન્ડમાં 30 કરોડની કમાણી કરી લીધી છે. રમેશ બાલા દ્વારા અન્ય એક ટ્વિટમાં કહેવામાં આવ્યું છે કે RRR વૈશ્વિક બોક્સ ઓફિસ મૂવી ચાર્ટમાં ટોચના 10માં સ્થાન મેળવ્યું છે.