- રાજકોટ એઈમ્સનો લોગો જાહેર
- ડીરેક્ટરના પત્નીએ બનાવ્યો લોગો
- લોગોમાં ૩૩ વિષયોને સમાવી લેવાયા
રાજકોટ : રાજકોટ ખાતે એઈમ્સ હોસ્પિટલને રૂપિયા 1195 કરોડના ખર્ચે બનાવવાની કેન્દ્ર સરકારે મંજૂરી આપ્યા બાદ તેની પુરજોશમાં કામગીરી ચાલી રહી છે. રાજકોટ જામનગર રોડ પર નિર્માણ પામનાર એઈમ્સ હોસ્પિટલમાં 750 બેડની સવલત ઊભી કરવામાં આવશે. ત્યારે રાજકોટ એઇમ્સ દ્વારા હાલ તેનો LOGO જાહેર કરવા આવ્યો છે. જેમાં એક બે નહિ પણ પૂરા 33 વિષયોને સમાવી લેવાયા છે.
રાજકોટ એઇમ્સ દ્રારા LOGO જાહેર કરી દેવામાં આવ્યો છે.જેમાં ગુજરાતની કલા અને વારસાનો સમાવેશ કરવામાં આવ્યો છે. એઇમ્સ રાજકોટ દ્વારા ટ્વિટ કરીને LOGO જાહેર કરવામાં આવ્યો છે. લોગોમાં ગાંધી ચરખો, સ્ટેચ્યુ ઓફ યુનિટી, બાંધણી ડિઝાઇન, સિંહ અને દાંડિયાની પ્રતિકૃતિ રાખવામાં આવી છે.
આ અંગે એઇમ્સના ડિરેક્ટર સી.ડી.કચોટે જણાવ્યું હતું કે, એઇમ્સના લોગોમાં ગાંધીજીના ચરખા સાથે 33 જીલ્લાની ઓળખ જોવામાં મળે છે. આ લોગોની ડિઝાઇન અને તેનું નિર્માણ મારી પત્નીએ કર્યું છે.