રવિન્દ્ર જાડેજાની પત્ની રીવાબા આજે નોંધવાશે ઉમેદવારી,સ્ટાર ક્રિકેટરે સમર્થન માટે કરી અપીલ
જામનગર :ટીમ ઈન્ડિયાના ઓલરાઉન્ડર રવિન્દ્ર જાડેજાની પત્ની રીવાબાને પણ ગુજરાત વિધાનસભાની ચૂંટણી માટે ટિકિટ મળી છે.ભાજપે તેમને જામનગર ઉત્તરમાંથી ઉમેદવાર બનાવ્યા છે.રિવાબા જાડેજા 14 નવેમ્બરે ઉમેદવારી નોંધાવશે.હવે રવિન્દ્ર જાડેજાએ પણ એક વીડિયો પોસ્ટ કરીને જામનગરના લોકોને પત્ની માટે સમર્થન આપવા અપીલ કરી છે.તેમણે લોકોને નોમિનેશન માટે મોટી સંખ્યામાં પદયાત્રા કરવા આમંત્રણ આપ્યું છે.
રવીન્દ્ર જાડેજાએ પોતાના વિડીયો સંદેશમાં જામનગરની જનતાને અપીલ કરતા કહ્યું કે, મારા વ્હાલા જામનગરવાસીઓ અને તમામ ક્રિકેટ ચાહકો.તમે બધા જાણો છો કે ગુજરાત વિધાનસભાની ચૂંટણી અહીં T20 ક્રિકેટની જેમ ઝડપથી આગળ વધી રહી છે.ભાજપે મારી પત્ની રીવાબાને ઉમેદવાર બનાવ્યા છે.તે 14 નવેમ્બરે ઉમેદવારી પત્ર ભરવા જઈ રહી છે.એટલા માટે આ જવાબદારી છે કે જીતનો માહોલ બનાવવામાં આવે, તો ચાલો કાલે સવારે મળીએ.
જામનગર ના મારા તમામ મિત્રો ને મારુ દીલ થી આમંત્રણ છે. જય માતાજી🙏🏻 pic.twitter.com/olZxvYVr3t
— Ravindrasinh jadeja (@imjadeja) November 13, 2022
રવીન્દ્ર જાડેજા ઘૂંટણની ઈજાને કારણે T20 વર્લ્ડ કપ 2022માં ભાગ લઈ શક્યો નહોતો.એશિયા કપ દરમિયાન જાડેજાને ઈજા થઈ હતી, ત્યારબાદ તેના જમણા ઘૂંટણની સર્જરી કરવામાં આવી હતી. જાડેજાએ વર્કઆઉટ કરવાનું શરૂ કરી દીધું છે.જાડેજાને બાંગ્લાદેશ સામેની વનડે અને ટેસ્ટ શ્રેણી માટે ટીમમાં સામેલ કરવામાં આવ્યો છે, પરંતુ તે ફિટનેસ પાછી મેળવ્યા બાદ જ ભાગ લઈ શકશે.
રિવાબા ઘણીવાર ભાજપ સાથે જોડાયેલા રાજકીય કાર્યક્રમોમાં જોવા મળી છે.તે સૌરાષ્ટ્રની કરણી ક્ષત્રિય સેનાના પ્રમુખ પણ રહી ચૂક્યા છે.તાજેતરમાં જ જામનગરના ભાજપના ધારાસભ્ય દ્વારા આયોજિત શ્રીમદ ભાગવત સપ્તાહના અંતિમ દિવસે રીવાબા દર્શને પહોંચ્યા હતા.આ દરમિયાન જ્યારે તેમને પૂછવામાં આવ્યું કે,શું તમે આગામી વિધાનસભાની ચૂંટણી લડશો? તેના પર તેણીએ કહ્યું હતું કે જો વડાપ્રધાન અને ભાજપના નેતાઓ તેના પર વિશ્વાસ કરે છે અને તેને કોઈ જવાબદારી સોંપશે તો તે ચોક્કસપણે તેને નિભાવશે.
