મુંબઈ: ભારતીય રિઝર્વ બેંકે સતત પાંચમી વખત રેપો રેટમાં કોઈ ફેરફાર કર્યો નથી. આરબીઆઈએ ફુગાવાને અંકુશમાં લેવાની પહેલના ભાગરૂપે આ કર્યું છે.આરબીઆઈએ પાંચ નાણાકીય નીતિ સમીક્ષાઓમાં રેપો રેટમાં કોઈ ફેરફાર કર્યો નથી. રેપો રેટ છેલ્લે ફેબ્રુઆરીમાં વધારીને 6.5 ટકા કરવામાં આવ્યો હતો.તે સમયથી રેપો રેટ સ્થિર છે. રેપો રેટમાં કોઈ ફેરફાર ન થવાને કારણે હોમ અને કાર લોન સહિત તમામ પ્રકારની લોનના EMIમાં ઘટાડા માટે રાહ જોઈ રહેલા લોકો નિરાશ થયા છે. હવે તેમને લોનની EMI ઘટાડવા માટે ફેબ્રુઆરી સુધી રાહ જોવી પડશે.
RBI ગવર્નર શક્તિકાંત દાસે કહેલી મહત્વની વાતો
- તમામ MPC સભ્યો રેપો રેટને સ્થિર રાખવાની તરફેણમાં
- UPI પેમેન્ટ માટે ઑફલાઇન સુવિધા લાવવામાં આવશે
- ભારતીય અર્થવ્યવસ્થા સતત સારું પ્રદર્શન કરી રહી છે
- 6માંથી 5 સભ્યો અનુકૂળ વલણ પાછું ખેંચવાની તરફેણમાં
- મુખ્ય ફુગાવો ઘટ્યો છે પરંતુ ખાદ્ય ફુગાવો હજુ પણ ખતરો છે
- નવેમ્બર અને ડિસેમ્બરમાં ખાદ્યપદાર્થો મોંઘા થતાં ફુગાવાના મોરચે ચિંતા
- ફ્લોટિંગ રેટ રિસેટ કરવા માટે નવા લોન નિયમો રજૂ કરવામાં આવશે
- ગ્રામીણ માંગમાં સતત સુધારો જોવા મળી રહ્યો છે.
- બેંકો અને કોર્પોરેટ્સની નાણાકીય સ્થિતિ મજબૂત રહે છે
- વિદેશી લોન દ્વારા ઇન્ફ્રા પ્રોજેક્ટ માટે ભંડોળ એકત્ર કરશે
વૃદ્ધિ દર અંદાજ વધ્યો
- ચાલુ નાણાકીય વર્ષમાં છૂટક ફુગાવો 5.4 પર રહેવાની ધારણા
- નાણાકીય વર્ષ 2024 માટે જીડીપી અંદાજ 6.5 થી વધીને 7 થયો
- ફુગાવાને અંકુશમાં લેવા અને આર્થિક વૃદ્ધિને વેગ આપવા માટે અનુકૂળ વલણ પાછું ખેંચવાનું વલણ અકબંધ
- સ્થાનિક માંગને કારણે ભારતીય અર્થવ્યવસ્થાની ગતિ ચાલુ
- ઓક્ટોબર મહિનામાં 8 કોર સેક્ટરનો ગ્રોથ સારો રહ્યો
- ખાદ્ય અને ઈંધણનો ફુગાવો જુલાઈથી ઘટ્યો
- ખાદ્ય ચીજવસ્તુઓમાં વધારાને કારણે છૂટક મોંઘવારી ફરી વધવાની દહેશત