- રુદ્રાક્ષ દૂર કરશે તમારા જીવનની સમસ્યાઓને
- જાપ માટે રૂદ્રાક્ષની માળાનો થાય છે ઉપયોગ
- શરીર અને મન માટે છે લાભદાયક
રુદ્રાક્ષ શબ્દ હિંદુ ધર્મ સાથે સબંધિત છે.સંસ્કૃતમાં રુદ્રાક્ષ એટલે રુદ્રાક્ષ ફળની સાથે સાથે રુદ્રાક્ષનું વૃક્ષ પણ છે. રુદ્રાક્ષનું વૃક્ષ નેપાળ, ઈન્ડોનેશિયા, જાવા, સુમાત્રા અને બર્માના પર્વતો અને પર્વતીય પ્રદેશોમાં ઉગે છે. તેના પાન લીલા રંગના અને ફળો કથ્થઈ રંગના અને સ્વાદમાં ખાટા હોય છે. રુદ્રાક્ષના ફળ આધ્યાત્મિક મૂલ્યોને કારણે માણસને પણ સુંદર બનાવે છે.
પ્રાચીન ભારતીય શાસ્ત્રો અનુસાર, રુદ્રાક્ષ ભગવાન શિવની આંખોથી વિકસિત થયો છે, તેથી તેને રુદ્રાક્ષ કહેવામાં આવે છે. રુદ્ર એટલે શિવ અને અક્ષ એટલે આંખો.શિવ પુરાણમાં રુદ્રાક્ષની ઉત્પત્તિ ભગવાન શિવના આંસુ તરીકે વર્ણવવામાં આવી છે. બધા જીવોના કલ્યાણ માટે ઘણા વર્ષો સુધી ધ્યાન કર્યા પછી, જ્યારે ભગવાન શિવે તેમની આંખો ખોલી, ત્યારે આંસુ પડ્યા અને પૃથ્વી માતાએ રુદ્રાક્ષના ઝાડને જન્મ આપ્યો.
રુદ્રાક્ષ શરીરમાં ઉર્જા ઉત્પન્ન કરે છે, જે રોગો સામે લડે છે, જેનાથી સ્વાસ્થ્યમાં સુધારો થાય છે. આયુર્વેદ અનુસાર રુદ્રાક્ષ શરીરને મજબૂત બનાવે છે. તે લોહીની અશુદ્ધિઓને દૂર કરે છે. તે માનવ શરીરની અંદર અને બહારથી બેક્ટેરિયાને દૂર કરે છે. રુદ્રાક્ષ માથાનો દુખાવો, ઉધરસ, લકવો, બ્લડ પ્રેશર અને હૃદય રોગ સંબંધિત સમસ્યાઓ દૂર કરે છે.
રૂદ્રાક્ષ ધારણ કરવાથી ચહેરા પર ચમક આવે છે, જેનાથી વ્યક્તિત્વ શાંત અને આકર્ષક બને છે. જાપ માટે રૂદ્રાક્ષની માળાનો ઉપયોગ કરવામાં આવે છે. જપની પ્રક્રિયા જીવનમાં આગળ વધવા માટે આધ્યાત્મિક શક્તિ અને આત્મવિશ્વાસમાં વધારો કરે છે. આથી રુદ્રાક્ષના બીજ સ્વાસ્થ્ય લાભ અને આધ્યાત્મિક લાભ આપવા માટે ઉપયોગી છે.
રુદ્રાક્ષ ધારણ કરવાથી પાછલા જન્મના પાપોનો નાશ થાય છે જે વર્તમાન જીવનમાં મુશ્કેલીઓ ઉભી કરે છે. રુદ્રાક્ષ ધારણ કરવાથી વ્યક્તિ ભગવાન રુદ્રના સ્વરૂપને પ્રાપ્ત કરી શકે છે. તે તમામ પાપોમાંથી મુક્તિ મેળવવામાં મદદ કરે છે અને વ્યક્તિના જીવનમાં ઉચ્ચતમ ધ્યેય પ્રાપ્ત કરવામાં મદદ કરે છે.