મુંબઈ- બોલિવૂડમાં સલ્લુ ભાઈ તરીકે જાણીતા આભિનેતા સલમાન ખાન આજકાલ પોતાની અપકમિંગ ફિલ્મ ટાઈગર 3ને લઈને ખૂબ જ ચર્ચામાં રહે છે ત્યારે આજરોજ શુક્રવારે ટાઈગર 3નો નવો પ્રોમો રિલીઝ કરવામાં આવ્યો છે. આ પ્રોમો ત્યારે રિલીજ કરાયો છે કે જ્યારે સલમાન ખાન-કેટરિના કૈફ અને ઈમરાન હાશ્મીની ફિલ્મ રિલીઝ થવામાં માત્ર 9 દિવસ બાકી છે.
આ પ્રોમોમાં સલમાન અને ઈમરાન વચ્ચે જોરદાર એક્શન જોવા મળી રહ્યું છે.આ વીડિયોની શરૂઆતમાં જ ઈમરાન હાશ્મી ઉર્ફે આતિશ રહેમાન ટાઈગરને પડકાર ફેંકે છે અને કહે છે, “હવે મારો વારો છે, આ વખતે તું ટાઈગરને ગુમાવીશ. હું ભારતનું અસ્તિત્વ વિશ્વના નકશા પરથી ભૂંસી નાખીશ, આ મારું વચન છે.” ટાઈગર “ આ પછી, જેમ જેમ પ્રોમો આગળ વધે છે તેમ તેમ દમદાર એક્શન જોવા મળે છે.
તમે આ નવા પ્રોમો પરથી જ અંદાજ લગાવી શકો છો કે યશ રાજની જાસૂસ બ્રહ્માંડ ફિલ્મ ‘ટાઈગર-3’માં કેટલું એક્શન હશે. સલમાન ખાન-કેટરિના કૈફ અને ઈમરાન હાશ્મી સ્ટારર ટાઈગર 3 દિવાળીના ખાસ અવસર પર 12 નવેમ્બરે રિલીઝ થઈ રહી છે.
સલમાન ખાન અને કેટરિના કૈફને ટાઈગર અને ઝોયાની ભૂમિકામાં જોવા માટે માત્ર ચાહકો જ ઉત્સુક નથી, પરંતુ પહેલીવાર વિલનનો રોલ કરી રહેલો ઈમરાન હાશ્મી કેટલો અદ્ભુત છે તે જોવા માટે દર્શકોમાં ભારે ઉત્સુકતા છે. ટ્રેલરમાં ઈમરાન હાશ્મીના લુકને જાહેર કર્યા પછી, યશ રાજે હવે તેના સત્તાવાર X એકાઉન્ટ પર એક નવો પ્રોમો શેર કર્યો છે, જેમાં ઈમરાન હાશ્મીના ધારદાર અને શાનદાર ડાઈલોગ્સ સાંભળવા મળે છે
