સલમાન ખાનની મોસ્ટ અવેટેડ ફિલ્મ ‘ટાઈગર 3’નું ધમાકેદાર ટીઝર રિલીઝ

મુંબઈ: બોલિવૂડનો સુલતાન એટલે કે સલમાન ખાન જ્યારે પણ સ્ક્રીન પર આવે છે ત્યારે તેને જોવાનો એક અલગ જ ક્રેઝ સર્જાય છે. ભાઈજાનના ચાહકો હંમેશા તેની ફિલ્મોને લઈને ઉત્સુક હોય છે. છેલ્લા કેટલાક સમયથી સલમાન તેની મોસ્ટ અવેટેડ ફિલ્મ ટાઈગર 3ને લઈને ચર્ચામાં છે. દર્શકો પણ ટાઈગર 3ની ઝલક મેળવવા માટે આતુરતાથી રાહ જોઈ રહ્યા છે. આ દરમિયાન ચાહકોની ઉત્તેજના વધારવા માટે નિર્માતાઓએ આખરે ફિલ્મનું ધમાકેદાર ટીઝર રિલીઝ કર્યું છે. જેને જોઈને સૌના હોશ ઉડી ગયા છે.

સલમાન ખાને પોતાના ટ્વિટર એકાઉન્ટ પર ફિલ્મનું ધાસુ ટીઝર શેર કર્યું છે. ટીઝરની શરૂઆત સલમાન ખાનના દમદાર અવાજથી થાય છે. તે કહે છે કે મારું નામ અવિનાશ સિંહ રાઠોડ છે. પણ તમારા બધા માટે હું ટાઈગર છું. આ પછી સલમાન ખાનનો દમદાર લુક સામે દેખાઈ છે. આગળ ટીઝરમાં ટાઈગર એટલે કે સલમાન ખાન કહેતા સાંભળવા મળે છે કે તેણે ભારતની રક્ષા માટે 20 વર્ષ વિતાવ્યા છે.મેં બદલામાં કંઈ નથી માંગ્યું પણ આજે હું માંગુ છું… આજે તમને બધાને કહેવામાં આવી રહ્યું છે કે ટાઈગર તમારો દુશ્મન છે. ટાઈગર દેશદ્રોહી છે. ટાઇગર નંબર વન દુશ્મન છે, તેથી ભારતની 20 વર્ષની સેવા પછી હું મારું ચારિત્ર્ય પ્રમાણપત્ર માંગી રહ્યો છું. હું નહીં, ભારત મારા પુત્રને કહેશે કે તેના પિતા કોણ હતા. દેશદ્રોહી કે દેશભક્ત. જો હું જીવતો રહીશ તો તમારી સેવામાં હાજર નહીં તો જયહિંદ. ટીઝર 1 મિનીટ અને 43 સેકન્ડનું છે જે ખરેખર રૂવાટા ઊભા કરી નખનારું છે.

‘ટાઈગર 3’ની સ્ટાર કાસ્ટની વાત કરીએ તો, સલમાન ખાન અને કેટરિના કૈફ સિવાય, ઈમરાન હાશ્મી પણ આ ફિલ્મમાં જોવા મળશે. આ ફિલ્મમાં ઈમરાન વિલનની ભૂમિકામાં જોવા મળશે. ટીઝર જોયા પછી ચાહકો ફિલ્મની રિલીઝની રાહ જોઈ શકતા નથી. આવી સ્થિતિમાં ટ્રેલર આવવાનું તો હજુ બાકી છે. દિવાળીના અવસર પર આ ફિલ્મ હિન્દી, તમિલ અને તેલુગુમાં સિનેમાઘરોમાં રિલીઝ થશે.