- ‘શક્તિમાન’નું ટીઝર થયું રિલીઝ
- મોટા પડદા પર કરશે વાપસી
- અભિનેતા મુકેશ ખન્નાએ કરી જાહેરાત
મુંબઈ:90ના દાયકાના સુપરહિટ શો ‘શક્તિમાન’ના ચાહકો માટે ખુશીના સમાચાર છે. ટીવીનો પહેલો સુપરહીરો ‘શક્તિમાન’ ની ગ્રેંડ લેવલ પર ફરીથી ધમાકેદાર એન્ટ્રી થવા જઈ રહી છે.અગાઉ આ શોએ નાના પડદા પર ધમાલ મચાવી હતી. હવે આ વખતે બિગ સ્ક્રીન પર જોરદાર ધમાકો થશે.અત્યાર સુધી તમામ એક્શન હીરો અને વિદેશી સુપરહીરોની ફિલ્મો અને શો જોવામાં આવ્યા છે અને ખૂબ જ લોકપ્રિય થયા છે.એવામાં હવે આપણા દેશી સુપરહીરો શક્તિમાનનો વારો છે. અભિનેતા મુકેશ ખન્નાએ પોતે આ અંગે જાહેરાત કરી છે.
અભિનેતાએ જાહેરાત કરતા ‘શક્તિમાન’નું એક દમદાર ટીઝર પણ રિલીઝ કર્યું છે. સોની પિક્ચર્સની ‘શક્તિમાન’ મોટા પડદા પર રિલીઝ થશે.આ ટીઝર પોસ્ટ કરતા મુકેશ ખન્નાએ કહ્યું- ‘હું તમને જણાવવામાં મોડું કરી રહ્યો છું, કારણ કે આ સમાચાર વાયરલ થયા છે કે અમે શક્તિમાન ફિલ્મ બનાવી રહ્યા છીએ. તેમ છતાં, મારી ફરજ છે કે,તમને જણાવું કે મેં જે વચન આપ્યું હતું તે આજે પૂરું થયું છે.શક્તિમાન ફિલ્મની જાહેરાત કરવામાં આવી છે.
90 ના દાયકામાં શક્તિમાન એ દર્શકો પર એક અલગ અને ખાસ છાપ છોડી હતી. આ શોએ તે સમયે ઘણી ટીઆરપી ભેગી કરી હતી. મુકેશ ખન્નાના કરિયરનો આ એક સુપરહિટ પ્રોજેક્ટ હતો, જેના માટે તેમને આજે પણ યાદ કરવામાં આવે છે.90 ના દાયકાના દર્શકોનું આ શો સાથે ભાવનાત્મક જોડાણ છે, તેથી માનવામાં આવે છે કે,આ ફિલ્મને પણ દર્શકોનો ઘણો પ્રેમ મળશે.
