શું હાઈ બીપીથી પીડિત લોકોએ કોફી પીવી જોઈએ કે નહીં, જાણો…..
જો તમે હાઈ બ્લડ પ્રેશરના શિકાર છો તો કોફીને લઈને તમને અલગ અલગ સલાહ સાંભળવા મળતી હશે. ચાની જેમ કોફી પીવી એ પણ એક મનોરંજન છે. ઘણા લોકોને દિવસમાં એક કે બે વાર કોફી પીધા વગર ચેન નથી પડતો. એવું કહેવાય છે કે ચાની જેમ કોફી પણ સવારની શરૂઆત કરવા માટે ખૂબ જ પોપ્યૂલર ઓપ્શન છે.
વાત ત્યારે ખરાબ થાય છે જ્યારે તમે કોફીના મોટા ચાહક બનો છો. કોફીનું મર્યાદિત સેવન ખરાબ નથી, પણ કોઈપણ બીમારીથી પીડિત હોવ ત્યારે વસ્તુઓ વધુ ખરાબ થાય છે. ખાસ કરીને જો તમે હાઈ બ્લડ પ્રેશરના શિકાર છો, તો તમે કોફી સંબંધિત વિવિધ પ્રકારની સલાહ સાંભળી હશે.
હેલ્થ એક્સપર્ટ કહે છે કે મર્યાદિત માત્રામાં કોફી પીવાથી હેલ્થને નુકસાન થતું નથી. પણ આના કરતાં વધારે કપ તમારું બ્લડ પ્રેશર હાઈ કરી શકે છે. કોફીમાં કેફીન હોય છે અને જો તે વધુ પ્રમાણમાં પીવામાં આવે તો કેફીન શરીરમાં પ્રવેશ કરે છે અને તમારા હૃદયના ધબકારા વધારે છે.
હૃદયના ધબકારા વધે છે, ત્યારે બ્લડ પ્રેશર જાતે જ ઊંચું થઈ જાય છે. જો તમે વધુ પડતી કોફીનું સેવન કરો છો, તો તેની અસર બ્લડ વેસલ્સ પર પડે છે અને બીપી ઉપર-નીચે થવા લાગે છે, હેલ્થ એક્સપર્ટ્સનું કહેવું છે કે વધુ પડતી કોફી પીવાથી ઊંઘ પર ખરાબ અસર પડે છે અને ઊંઘમાં ખલેલ પહોંચે છે તો તેની સીધી અસર તમારા બીપી પર પડે છે અને તે હાઈ થઈ જાય છે.
