બ્રંહ્માંડ એટલું વિશાળ છે કે જેનો કોઈ અંત નથી, આ વાતથી તો સૌ કોઈ જાણકાર હશે જ, પણ તે વાતથી પણ જાણકાર હશે કે આટલા મહાકાય બ્રંહ્માંડમાં લાખો પ્રકારની ઘટનાઓ બનતી રહેતી હોય છે, ત્યારે જો વાત કરવામાં આવે વર્ષના છેલ્લા સૂર્યગ્રહણની તો આ તારીખ પર થશે વર્ષનું છેલ્લું સૂર્યગ્રહણ અને આ પ્રકારે હશે સમય, સંજોગ અને સંયોગ.
25 ઓક્ટોબરનું સૂર્યગ્રહણ ભારતના ઘણા ભાગોમાં જોવા મળશે. તેને આંશિક સૂર્યગ્રહણ તરીકે પણ ઓળખવામાં આવે છે. આ વર્ષે પ્રથમ વખત ગ્રહણ ભારતમાં જોઈ શકાશે. એટલું જ નહીં પરંતુ આ ગ્રહણ દિવાળીના આગળના દિવસે જોવા મળશે.
ગ્રહણને હિન્દુ ધર્મમાં અશુભ ઘટના માનવામાં આવે છે અને ગ્રહણ દરમિયાન કોઈપણ પ્રકારના શુભ અને માંગલિક કાર્ય કરવામાં આવતા નથી. ત્યારે આ વર્ષે દિવાળીના દિવસે સૂર્યગ્રહણ છે. આ સૂર્યગ્રહણ ચાલુ વર્ષનું અંતિમ અને બીજા ક્રમનું સૂર્યગ્રહણ રહેશે. આ પહેલા વર્ષનું પહેલું સૂર્યગ્રહણ 30 એપ્રિલના રોજ થઈ ચૂક્યું છે અને વર્ષના છેલ્લા સૂર્યગ્રહણ પણ કંઈક ખાસ થવાનું છે.
જ્યોતિષ મુજબ આ વખતે આ ગ્રહણ તુલા રાશિમાં થવા જઈ રહ્યું છે. ખાસ કરીને 3 રાશિઓ માટે તેનો લાભ જોવા મળશે. અહીં સૂર્યગ્રહણ સૂતકના સમય અને તેનાથી કઈ કઈ રાશિઓને લાભ થશે તે અંગે જાણકારી આપવામાં આવી છે. જ્યોતિષ શાસ્ત્ર અનુસાર વર્ષનું અંતિમ ગ્રહણ 25 ઓક્ટોબરે સાંજે 4:29 વાગ્યાથી 5:42 વાગ્યા સુધી રહેશે.આ સૂર્યગ્રહણ ભારત ઉપરાંત યુરોપ, આફ્રિકા ખંડના ઉત્તરીય ભાગ, એશિયાના દક્ષિણ-પશ્ચિમ ભાગ અને એટલાન્ટિકમાં જોવા મળશે.