મહર્ષિ દયાનંદ સરસ્વતીની જન્મજયંતિ પર સભાને સંબોધતા પીએમ મોદીએ કહેલી વાતોના કેટલાક અંશો
દિલ્હીઃ- પીએમ મોદીએ મહર્ષિ દયાનંદ સરસ્વતીની 200મી જન્મજયંતિ નિમિત્તે વર્ષભર ચાલનારી ઉજવણીનું ઉદ્ઘાટન કર્યું હતું. વડાપ્રધાને દિલ્હીના ઈન્દિરા ગાંધી ઈન્ડોર સ્ટેડિયમમાં આયોજિત કાર્યક્રમમાં લોકોને સંબોધિત કર્યા હતા.
મહર્ષિ દયાનંદ સરસ્વતીનો જન્મ 12 ફેબ્રુઆરી, 1824ના રોજ થયો હતો. તે એક સમાજ સુધારક હતા જેમણે 1875માં તત્કાલીન સામાજિક અસમાનતાઓ સામે લડવા માટે આયા સમાજની સ્થાપના કરી હતી.આ કાર્યક્રમમાં વડાપ્રધાન નરેન્દ્ર મોદીએ કહ્યું કે આ મારું સૌભાગ્ય છે કે મને પણ એ પવિત્ર ભૂમિ પર જન્મ લેવાનું સૌભાગ્ય મળ્યું છે, જેના પર મહર્ષિ દયાનંદ સરસ્વતીનો જન્મ થયો હતો.
આ સાથે જ વાતને આગળ વધારતા પીએમ મોદીએ કહ્યું, ‘મને જે સંસ્કૃતિ તે માટીમાંથી મળી, જે પ્રેરણા મને તે માટીમાંથી મળી, તે પણ મને મહર્ષિ દયાનંદ સરસ્વતીના આદર્શો તરફ આકર્ષિત કરે છે. હું સ્વામી દયાનંદજીના ચરણોમાં શ્રદ્ધાપૂર્વક નમન કરું છું.
આથી વધુમાં તેમણે કહ્યું કે, ‘જ્યારે મહર્ષિ દયાનંદ સરસ્વતીજીનો જન્મ થયો હતો ત્યારે દેશે પોતાનો આત્મવિશ્વાસ ગુમાવી દીધો હતો અને સદીઓના બંધનોને કારણે નબળો પડી ગયો હતો. મહર્ષિ દયાનંદજી આગળ આવ્યા અને સમાજમાં વેદની સમજને પુનર્જીવિત કરીછે.
આ સહીત પીએમ મોદીએ કહ્યું કે મહર્ષિ દયાનંદ સરસ્વતીની 200મી જન્મજયંતિનો આ અવસર ઐતિહાસિક છે. આ સમગ્ર વિશ્વ અને માનવતાના ભવિષ્ય માટે પ્રેરણાની ક્ષણ છે.આજે દુનિયા ઘણા વિવાદોમાં ફસાયેલી છે. ત્યારે મહર્ષિ દયાનંદ સરસ્વતીજીએ બતાવેલ માર્ગ કરોડો લોકોને આશાનો સંચાર કરે છે.
તેૈમણે કહ્યું કે કલ્પના કરો જ્યારે આપણા પોતાના વેદના વિદેશી વક્તાઓ વિદેશી કથાઓ ઘડવાનો પ્રયાસ કરી રહ્યા હતા. એ ખોટા અર્થઘટનોના આધારે આપણને બદનામ કરવા, આપણા ઈતિહાસ અને પરંપરાઓને બગાડવાનો પ્રયાસ કરવામાં આવ્યો. પછી મહર્ષિ દયાનંદના આ પ્રયાસો સમાજમાં એક વિશાળ જીવનશક્તિના રૂપમાં આગળ આવ્યા. મહર્ષિજીએ સામાજિક ભેદભાવ, ઉંચી-નીચ, અસ્પૃશ્યતા અને આવી અનેક વિકૃતિઓ સામે મજબૂત અભિયાન ચલાવ્યું
તેમણે કહ્યું કેઆપણા ઈતિહાસ અને પરંપરાઓને દૂષિત કરવાનો પ્રયાસ કરવામાં આવ્યો. તે જ સમયે મહર્ષિ દયાનંદ જીના પ્રયાસોથી સમાજમાં સંજીવની સ્વરૂપે પ્રગટ થયા અને તેને નવજીવન આપ્યું. આજે દેશ ગર્વથી ‘પ્રાઉડ ઓન હેરિટેજ’ કહી રહ્યો છે.
