પ્રભાસ અને સૈફ અલી ખાનની ફિલ્મ ‘આદિપુરુષ’ માં ‘જન્નત ગર્લ’ સોનલ ચોહાણની એન્ટ્રી
- આદિપુરુષમાં વધુ એક અભિનેત્રીની એન્ટ્રી
- ‘જન્નત ગર્લ’ સોનલ ચોહાણની થઇ એન્ટ્રી
- સોનલ ચોહાણની સાથે આદિપુરુષમાં કૃતિ સેનન પણ
મુંબઈ:ઓમ રાઉતની આગામી ફિલ્મ આદિપુરુષમાં વધુ એક સુંદર અભિનેત્રીની એન્ટ્રી થઈ છે.સોનલ ચૌહાણ સત્તાવાર રીતે ફિલ્મની સ્ટાર કાસ્ટમાં સામેલ થઇ ચુકી છે અને તે પ્રભાસ, સૈફ અલી ખાન અને કૃતિ સેનન સાથે મેગ્નમ ઓપસમાં સ્ક્રીન શેર કરતી જોવા મળશે.સોનલ આ પૌરાણિક ફિલ્મમાં મહત્વની ભૂમિકામાં જોવા મળશે. આ ફિલ્મ ફરી એકવાર રામાયણની વાર્તા લોકો સમક્ષ રજૂ કરશે.
આ વાતની પુષ્ટિ કરતા સોનલ ચૌહાણએ કહ્યું કે,“હું આદિપુરુષ ફિલ્મનો એક ભાગ બનીને ખૂબ જ ઉત્સાહિત છું.મેં અત્યાર સુધી જેટલી પણ ફિલ્મો કરી છે,આ ફિલ્મ તેનાથી ઘણી અલગ છે.મને પૂરો વિશ્વાસ છે કે, દર્શકો આ મેગ્નમ ઓપસ આદિપુરુષને જરૂરથી એન્જોય કરશે.
ઓમ રાઉત દ્વારા નિર્દેશિત આદિપુરુષ હિન્દી અને તેલુગુમાં રિલીઝ થશે. દિગ્દર્શક ઓમે તાનાજીઃ અંગસંગ વોરિયર ફિલ્મથી દિગ્દર્શક તરીકેની શરૂઆત કરી હતી.આદિપુરુષ ઉપરાંત સોનલ સાઉથના સુપરસ્ટાર નાગાર્જુન સાથે ધ ઘોસ્ટમાં જોવા મળશે.આ ફિલ્મમાં સોનલે જેકલીન ફર્નાન્ડીઝની જગ્યા લીધી છે. પ્રવીણ સતરુ આ હાઈ ઓક્ટન એન્ટરટેઈનર ફિલ્મનું નિર્દેશન કરી રહ્યા છે.
