- વધતા જતા કોરોનાએ લોકોને ડરાવ્યા
- અમદાવાદમાં જીમ, સ્પોર્ટ્સ ક્લબ બંધ
- નોઇડા-ગાઝિયાબાદમાં કલમ 144 લાગુ
અમદાવાદ: કોરોના વાયરસે ફરી એકવાર દેશમાં માથું ઊંચક્યું છે. અને દરરોજ કોરોનાના કેસમાં વધારો થતો જોવા મળે છે.કોરોનાના વધતા જતા કેસ અને વડાપ્રધાન નરેન્દ્ર મોદીની અપીલ બાદ ઘણા રાજ્યોએ ફરી એકવાર પ્રતિબંધ લગાવવાનું શરૂ કરી દીધું છે.
કોરોનાને કારણે આજથી ફરી એકવાર અમદાવાદમાં જીમ, સ્પોર્ટસ ક્લબ, ગેમિંગ ઝોન બંધ રાખવાનો નિર્ણય લેવામાં આવ્યો છે. આ સાથે ATMS અને BRTS અચોક્કસ મુદ્દત સુધી બંધ રહેશે.
ઉત્તરપ્રદેશના નોઇડા અને ગાઝિયાબાદમાં કલમ 144 લાગુ કરવામાં આવી છે. ભારતમાં કોરોના સંક્રમણની વધતી ગતિનો અંદાજ એ હકીકત પરથી લગાવી શકાય છે કે, 102 દિવસ પછી બુધવારે, કોરોનાના મહત્તમ 35,886 કેસ નોંધાયા હતા. ફરી એકવાર સૌથી વધુ અસરગ્રસ્ત મહારાષ્ટ્ર કોરોનાથી જોવા મળે છે.
મહારાષ્ટ્રમાં દરરોજ કોરોના સંક્રમણનું પ્રમાણ વધી રહ્યું છે. છેલ્લા એક દિવસમાં રેકોર્ડ 23,179 નવા કેસ નોંધાયા છે. દેશમાં કોરોનાની બીજી લહેર જોઈને વડાપ્રધાન નરેન્દ્ર મોદીએ બુધવારે ફરી એકવાર તમામ રાજ્યોના મુખ્યમંત્રીઓ સાથે બેઠક યોજી હતી. બેઠકમાં વડાપ્રધાને તમામ રાજ્યોને કોરોના અટકાવવા તમામ જરૂરી પગલા ભરવાની અપીલ કરી હતી.
આ પહેલા 17 સપ્ટેમ્બરના રોજ મહારાષ્ટ્રમાં 24,619 કોરોના કેસ જોવા મળ્યા હતા. અગાઉ વધેલા કોરોનાના કેસ બાદ રાજ્યમાં કોરોના સંક્રમિત દર્દીઓની સંખ્યા 23,70,507 થઇ ગઈ છે.
કોરોનાના જે રાજ્યોમાં ઓછા કેસ હતા. તેવા રાજ્યોમાં પણ નવા કેસો ઝડપથી વધી રહ્યા છે. આ જ ક્રમમાં છેલ્લા 24 કલાક દરમિયાન પંજાબમાં 2,039 કેસ નોંધાયા છે.
પંજાબ ઉપરાંત ગુજરાત,કર્ણાટક અને રાષ્ટ્રીય રાજધાની દિલ્હીમાં પણ નવા કેસોની સંખ્યામાં વધારો થયો છે. વડાપ્રધાન નરેન્દ્ર મોદીના ગૃહ રાજ્ય ગુજરાતમાંથી 1,122 નવા કોરોના કેસ નોંધાયા છે. આ મહામારીને કારણે 775 લોકો સ્વસ્થ થયા છે અને ત્રણ લોકોનાં મોત નિપજ્યા છે. ગુજરાતમાં અમદાવાદ,સુરત,વડોદરા અને રાજકોટમાં નાઈટ કર્ફ્યુ 2 કલાક વધારવામાં આવ્યો છે.
-દેવાંશી
