એમા રાદુકાનૂએ સર્જ્યો ઇતિહાસ, 53 વર્ષ બાદ મહિલા યુએસ ઑપનનો ખિતાબ જીતનારી પ્રથમ બ્રિટિશ મહિલા ખેલાડી બની
- એમા રાદુકાનૂએ સર્જયો ઇતિહાસ
- 53 વર્ષ બાદ ખિતાબ હાંસલ કરનારી પ્રથમ બ્રિટિશ મહિલા ખેલાડી બની
- એમા રાદુકાનૂએ કેનેડાની લેલાહ ફર્નાંડીઝને મ્હાત ખિતાબ જીત્યો
નવી દિલ્હી: મહિલા સિંગલ યુએસ ઑપનમાં બ્રિટનની એમા રાદુકાનૂએ કેનેડાની લેલાહ ફર્નાંડીઝને મ્હાત આપીને આ ખિતાબ જીતી લીધો છે. માત્ર 18 વર્ષની એમા રાદુકાનૂએ ગ્રાન્ડ સ્લેમ ખિતામ પોતાના નામે કરી લીધો છે. તેણે ફાઇનલમાં કેનેડાની લેલાહ ફર્નાંડીઝને હરાવી હતી જે તેના જેટલી ઉંમરની જ છે. રાદુકાનૂએ ફર્નાંડીઝને 6-4, 6-3થી હરાવીને ગ્રાન્ડ સ્લેમ ખિતાબ પર કબ્જો કરી લીધો હતો.
આપને જણાવી દઇએ કે બંને ટીનેજર્સ પહેલી વખત જ ફાઇનલ રમી હતી અને વર્ષના અંતમાં ગ્રાન્ડ સ્લેમને નવો વિજેતા જ મળી ગયો. 150માં સ્થાને રહેલી રાદુકાનૂ અને ફર્નાંડીઝ 73માં રેન્કિંગની ખેલાડી છે.
1977માં વિંબલડનમાં વર્જીનિયા વેડ બાદ ગ્રાન્ડ સ્લેમ ટ્રોફી જીતનારી રાદુકાનૂ પહેલી બ્રિટિશ મહિલા છે. તે 2004માં વિંબલડનમાં મારિયા શારાપોવાના 17 વર્ષના હોવા બાદથી મહિલા ખિતાબનો દાવો કરનારી સૌથી ઓછી ઉંમરની ખેલાડી પણ છે.
રાદુકાનૂ પેશેવર યુગમાં ગ્રાન્ડ સ્લેમ ફાઈનલમાં પહોંચનારી પહેલી ક્વોલિફાયર છે. પોતાની બીજી ગ્રાન્ડ સ્લેમ ટુર્નામેન્ટમાં રમી રહેલી રાદુકાનૂએ યુએસ ઓપનમાં અત્યાર સુધીમાં પોતાના તમામ 18 સેટ જીત્યા છે. તેમાં ક્વોલિફાઈંગ દોરની 3 અને મુખ્ય ડ્રોની 6 મેચનો સમાવેશ થાય છે.
