રાષ્ટ્રીય પુરસ્કાર વિજેતા ટોલીવુડ અભિનેતા અલ્લુ અર્જુનની ‘પુષ્પા 2’ ઉર્ફે ‘પુષ્પાઃ ધ રૂલ’ની રિલીઝની ચાહકો આતુરતાથી રાહ જોઈ રહ્યા છે. સુકુમાર દ્વારા નિર્દેશિત આ ફિલ્મ 5 ડિસેમ્બરે સિનેમાઘરોમાં રિલીઝ થશે. આ ફિલ્મ 6 ભાષાઓમાં રિલીઝ થશે. બીજી તરફ અલ્લુ અર્જુન આ ફિલ્મથી ભારે ફી વસૂલ કરીને દેશનો સૌથી મોંઘો સ્ટાર બની ગયો છે.
અલ્લુ અર્જુનની ‘પુષ્પા 2’ વર્ષની સૌથી વધુ રાહ જોવાતી ફિલ્મોમાંથી એક છે. આ ફિલ્મની પ્રિક્વલે બોક્સ ઓફિસ પર સુપર સફળતા મેળવી હતી. જે પછી બધા તેની સિક્વલની આતુરતાથી રાહ જોઈ રહ્યા છે. રસપ્રદ વાત એ છે કે ‘પુષ્પા 2’માં અલ્લુ અર્જુન ફરી એકવાર પુષ્પા રાજના પાત્રમાં જોવા મળશે. આ ફિલ્મે રિલીઝ પહેલા જ ઘણી હાઈપ બનાવી છે. આ બધાની વચ્ચે અલ્લુ અર્જુનની આગામી ફિલ્મની ફી અંગેની માહિતી સામે આવી છે.
ટ્રેક ટોલીવુડના અહેવાલ મુજબ, અલ્લુ અર્જને ‘પુષ્પા 2’ થી ફી તરીકે 300 કરોડ રૂપિયા મળવ્યાં છે. આ સાથે તે દેશનો સૌથી વધુ પગાર મેળવનાર અભિનેતા બની ગયો છે.
અગાઉ, એવું કહેવામાં આવ્યું હતું કે વિજયને ‘થલપથી 69’ માટે 275 કરોડ રૂપિયાની ફી ચૂકવવામાં આવી છે. આ ફિલ્મ એચ વિનોથ દ્વારા નિર્દેશિત કરવામાં આવી રહી છે, અને તે શાહરૂખ ખાનને પાછળ છોડીને સૌથી વધુ કમાણી કરનાર અભિનેતા બની ગયો છે. પરંતુ લેટેસ્ટ રિપોર્ટ અનુસાર અલ્લુ અર્જુને ‘પુષ્પા 2’ માટે 300 રૂપિયાનો પગાર મેળવીને વિજયનો રેકોર્ડ તોડી નાખ્યો છે. જોકે, ‘પુષ્પા 2’ના નિર્માતાઓએ મોસ્ટ અવેટેડ સિક્વલ માટે અલ્લુ અર્જુનની ફી વિશે કોઈ સત્તાવાર પુષ્ટિ કરી નથી.
