અમદાવાદઃ ગુજરાતમાં ડ્રગ્સની હેરાફેરી ઉપર અને તેના નેટવર્કનો પર્દાફાશ કરવા માટે પોલીસે તપાસ કરવામાં આવી રહી છે. દરમિયાન સુરેન્દ્રનગરમાં ગાંજાની હેરાફેરી કરનારી મહિલાને પોલીસે ઝડપી લીધી હતી. તેની પાસેથી 50 ગ્રામ જેટલો ગાંજો મળી આવ્યો હોવાનું જાણવા મળે છે.
પ્રાપ્ત માહિતી અનુસાર સુરેન્દ્રનગર પાંચ હનુમાન મફતીયાપરામાં રહેતી નિલબેન અબ્દુલ નામની મહિલા ગાંજાનું વેચાણ કરતી હોવાની મળેલી બાતમીનાં આધારે એસઓજીએ તપાસ આરંભી હતી. દરમિયાન મફતીયાપરાનાં મકાનમાં સીટી પોલીસે દરોડો પાડી 50 ગ્રામ ગાંજા સાથે મ હિલાની ધરપકડ કરી ગાંજા અને સ્કુટર મળી રૂ.85700નો મુદામાલ કબ્જે કર્યો છે. આ અંગે પોલીસે ગુનો નોંધીને તપાસ આરંભી છે. તેમજ આ પ્રકરણમાં સંડોવાયેલા અન્ય આરોપીઓને ઝડપી લેવા માટે કવાયત આરંભી છે.
અત્રે ઉલ્લેખનીય છે કે, ગુજરાત પોલીસે ડ્રગ્સને ઝડપી લેવા માટે અભિયાન શરૂ કર્યું છે. તાજેતરમાં જામખંબાળિયા અને મોરબીમાંથી પોલીસ અને એટીએસની ટીમે કરોડોના ડ્રગ્સ સાથે આરોપીઓની ધરપકડ કરી હતી.