નવી દિલ્હીઃ તમિલનાડુમાં એક મંદિરમાં શોભાયાત્રા દરમિયાન વીજકરંટ લાગવાથી 11 વ્યક્તિઓના મોત થયાં હતા. આ દૂર્ઘટના અંગે વડાપ્રધાન નરેન્દ્ર મોદીએ દુઃખ વ્યક્ત કરીને મૃતકોને શ્રદ્ધાંજલી પાઠવી હતી. તેમજ મૃતકોના પરિવારજનોને રૂ. બે-બે લાખની સહાયની જાહેરાત કરી હતી. આ ઉપરાંત ઈજાગ્રસ્તોને સારવાર માટે પ્રધાનમંત્રી રાષ્ટ્રીય રાહત ફંડમાંથી 50 હજાર રૂપિયા આપવામાં આવશે.
પ્રાપ્ત માહિતી અનુસાર તંજાવુર જિલ્લામાં રથયાત્રા દરમિયાન જીવંત ઇલેક્ટ્રિક વાયર એક કારના સંપર્કમાં આવી હતી ગણતરીની મિનિટોમાં જ અન્ય લોકોને પણ વીજકરંટ લાગ્યો હતો. આ દૂર્ઘટનામાં 11 વ્યક્તિઓના મોત થયાં હતા. જ્યારે અનેક શ્રદ્ધાળુઓ ગંભીર રીતે ઘાયલ થયા છે. જેમને તાકીદે નજીકની હોસ્પિટલમાં દાખલ કરવામાં આવ્યા છે. આ ઘટનાની માહિતી મળતા જ, પોલીસ ઘટનાસ્થળે પહોંચી અને રાહત કાર્ય શરૂ કર્યું. મંદિરમાં 94માં ઉચ્ચ ગુરુપૂજા ઉત્સવનું આયોજન કરવામાં આવ્યું હતું. આ ઉત્સવમાં ભાગ લેવા માટે મોટી સંખ્યામાં ભક્તો ઉમટ્યા હતા. દરમિયાન આ દૂર્ઘટના સર્જાઈ હતી.