- તેલંગાણામાં 119 વિધાનસભા સીટો પર મતદાન
- ભાજપે ઉમેદવારોની પાંચમી યાદી કરી જાહેર
- પાંચમી યાદીમાં 14 ઉમેદવારોની જાહેરાત કરી
દિલ્હી: આગામી તેલંગાણા વિધાનસભા ચૂંટણીને ધ્યાનમાં રાખીને ભાજપે તેના ઉમેદવારોની પાંચમી યાદી જાહેર કરી છે. ભાજપે તેની પાંચમી યાદીમાં 14 ઉમેદવારોની જાહેરાત કરી છે.
કુલ 114 ઉમેદવારના નામ જાહેર
આ નવી યાદી સાથે ભાજપે અત્યાર સુધીમાં કુલ 114 ઉમેદવારોની જાહેરાત કરી છે. અગાઉ ભાજપે 12 ઉમેદવારોની યાદી જાહેર કરી હતી, જેમાં ચલમાલા કૃષ્ણ રેડ્ડી (મુનુગોડે), નાકરાકાંતિ મોગુલૈયા (નાકરેકલ-એસસી) અને અજમીરા પ્રહલાદ નાઈક (મુલુગ-એસટી), દુર્ગમ અશોક (ચેન્નુર-એસસી), વી સુભાષ રેડ્ડી (યેલ્લારેડ્ડી મતવિસ્તાર), તુલા ઉમા (વેમુલાવાડા) સહિત અન્ય ઉમેદવારોના નામ સામેલ છે.
એવી અપેક્ષા રાખવામાં આવે છે કે બાકીની બેઠકો પર ભાજપ તેના NDA સહયોગી પવન કલ્યાણની જનસેનાને કેટલીક બેઠકો આપી શકે છે. જનસેનાએ 2 ઓક્ટોબરે કહ્યું હતું કે પાર્ટી 30 નવેમ્બરની ચૂંટણીમાં કુલ 119માંથી 32 વિધાનસભા મતવિસ્તારો પર ચૂંટણી લડશે.
30 નવેમ્બરે મતદાન થશે
ખબર છે કે તેલંગાણામાં 119 વિધાનસભા સીટો પર મતદાન થવાનું છે. તેનું પરિણામ અન્ય રાજ્યોની સાથે 3 ડિસેમ્બરે જાહેર કરવામાં આવશે.