બોલિવુડની ક્વીન કંગના રનૌતની ‘થલાઇવી’નું જોરદાર ટ્રેલર રીલીઝ

• કંગનાની ‘થલાઇવી’નું ટ્રેલર થયું રીલીઝ
• ફિલ્મમાં કંગના એકદમ જયલલિતા જેવી
• ચાહકોને ખુબ જ પસંદ આવ્યું ટ્રેલર

મુંબઈ: બોલિવુડની ‘ક્વીન’ કંગના રનૌતની ફિલ્મ થલાઇવીનું ટ્રેલર રીલીઝ થઇ ગયું છે. કંગનાના જન્મદિવસ નિમિત્તે ટ્રેલર રીલીઝ કરવામાં આવ્યું છે. ટ્રેલરમાં જયલલિતાની અભિનેત્રીથી રાજકારણી સુધીની સફર બતાવવામાં આવી છે. આ ફિલ્મ 23 એપ્રિલે થિયેટરોમાં રીલીઝ થવા જઈ રહી છે.

આ ટ્રેલરને ઘણો પોઝિટિવ પ્રતિસાદ પણ મળી રહ્યો છે. ફિલ્મમાં કંગના રનૌત તમિલનાડુના દિવંગત મુખ્યમંત્રી જયલલિતાનું પાત્ર ભજવી રહી છે. ફિલ્મમાં કંગના એકદમ જયલલિતા જેવી લાગી રહી છે. #ThalaiviTrailer સોશિયલ મીડિયા પર ટોપ ટ્રેન્ડ કરી રહ્યું છે. ચાહકો આ હેશટેગથી પોતાની પ્રતિક્રિયા આપી રહ્યા છે.

ટ્રેલરની શરૂઆતમાં એક અવાજ સંભળાય છે, તે ફિલ્મવાળી જણાવશે કે, મારે રાજનીતિ કેવી રીતે કરવાની છે,ત્યારબાદ, કંગનાની સુંદર ઝલક જોવા મળે છે. આ પછી કંગનાના અલગ-અલગ સીન બતાવવામાં આવ્યા છે. ત્યારબાદ સાંભળવા મળે છે કે, આ પુરુષોની દુનિયા છે અને અમે એક મહિલાની સામે ઉભા છીએ,આ દરમિયાન જયલલિતા બનેલી કંગનાના રાજકીય લુકની એક ઝલક જોવા મળે છે.

આ પછી જયલલિતાની એટલે કે કંગનાની ટ્રેલરમાં જોરદાર એન્ટ્રી થઇ રહી છે. ટ્રેલરમાં જયલલિતાની અભિનેત્રી બનવાની યાત્રા બતાવવામાં આવી છે. આ ફિલ્મમાં કંગનાનો ખૂબ જ સુંદર લૂક ચાહકો જોઇ શકશે. એટલું જ નહીં,જયલલિતાની એમજેઆર સાથેની પર્સનલ લાઈફ પણ ટ્રેલરમાં ખૂબ જ સરસ રીતે બતાવવામાં આવી છે.

-દેવાંશી